კორონავირუსი, ქრონიკა. ინფიცირების ახალი შემთხვევების ანტირეკორდი აზერბაიჯანსა და სომხეთში

24 საათის განმავლობაში, კიდევ 14 ადამიანი გარდაიცვალა, სულ, პანდემიის დაწყებიდან 386 ადამიანი დაიღუპა.

სომხეთში, საერთო ჯამში, 21 717 ადამიანი დაინფიცირდა, მათგან 10 797 გამოჯანმრთელდა.

დღეს, საავადმყოფოდან გამოწერილ პაციენტთა შორის არის 99 წლის ბაბუ, მეორე მსოფლიო ომის ვეტერანი.

სომხეთში, საგანგებო მდგომარეობის რეჟიმი 13 ივლისამდე გრძელდება.

• ვის და რა დახმარებას უწევენ სომხეთში, კორონავირუსის ეკონომიკური შედეგების დასაძლევად

ბოლო 24 საათში საქართველოში კორონავირუსით ინფიცირების 3 ახალი შემთხვევა დადასტურდა.

24 ივნისის მონაცემებით, საქართველოში კორონავირუსით ინფიცირების 914 შემთხვევაა დადასტურებული.

კარანტინის რეჟიმშია 2744 ადამიანი, ხოლო სტაციონარში მეთვალყურეობის ქვეშ – 2558 პირი.

კორონავირუსით ინფიცირებულთაგან 768 გამოჯანმრთელდა და 14 გარდაიცვალა.

• რას აკეთებდა მწერალი კარანტინში. ვიდეო

აზერბაიჯანში, გასული დღე-ღამის განმავლობაში, კორონავირუსით ინფიცირების 508 ახალი შემთხვევა და გარდაცვალების 6 ფაქტი დაფიქსირდა.

სულ, პანდემიის დაწყებიდან 13 715 ადამიანი დაინფიცირდა, მათგან 167 გარდაიცვალა, 7 503 – გამოჯანმრთელდა.

აზერბაიჯანში, კარანტინი გაამკაცრეს, კვლავ შეაჩერეს მუშაობა ბიზნესებმა და მაღაზიებმა, ბაქოს ყველა შესასვლელი და გასასვლელი ჩაკეტილია, გზებზე პოლიციის საგუშაგოები მოეწყო. მაგრამ ათასობით ადამიანი ცდილობს თავიდან აიცილოს კარანტინი და აკრძალვის მიუხედავად ქალაქებიდან საკუთარი ავტომობილით გარბის და პოლიციასთან  კონფლიქტში შედის.

• კორონავირუსის დამალვა თუ იგნორირება? ერთიც და მეორეც! ისტორია ბაქოდან

სანქტ-პეტერბურგში, პოკროვსკოის საავადმყოფოში დაინფიცირებული 155 პირიდან, 87 სამედიცინო პერსონალია. გამოძიება ოფიციალურად დაიწყო, ერთ-ერთი ძირითადი, პირველადი დასკვნა – საავადმყოფოს შიგნით ეპიდემიის საწინააღმდეგო რეჟიმის უხეში დარღვევა.

ჯერ კიდევ აპრილში, ამ საავადმყოფოს ექიმები და მედდები დამცავი საშუალებებით დახმარებას ითხოვდნენ და რამდენიმე ვიდეომიმართვა გაავრცელეს.

საავადმყოფოს მთავარი ექიმი, მარინა ბახოლდინა ყველაფერს უარყოფდა. 21 ივნისს კი რუსეთის პრეზიდენტმა მას შრომის გმირის წოდება მიანიჭა „კორონავირუსის წინააღმდეგ თავდაუზოგავი ბრძოლისთვის“.

ამ საავადმყოფოს ექიმი-რეანიმატოლოგი, სერგეი საიაპინი კორონავირუსით სამუშაო ადგილზე დაინფიცირდა. მან „რადიო თავისუფლებასთან“ ინტერვიუში განაცხადა, რომ „მთავარი ექიმის დაჯილდოება ყველა იმ ადამიანის დაცინვაა, ვინც მართლაც იბრძვის ეპიდემიის წინააღმდეგ“.

• მოსაზრება: რუსეთი პუტინისგან დაიღალა

სომხეთში, გასული დღე-ღამის განმავლობაში, კორონავირუსით ინფიცირების 520 ახალი შემთხვევა და გარდაცვალების 10 ფაქტი დაფიქსირდა. სულ, პანდემიის დაწყებიდან 19 708 ადამიანი დაინფიცირდა, მათგან 320 გარდაიცვალა, 8 854 – გამოჯანმრთელდა.

ქვეყანაში, საგანგებო მდგომარეობის რეჟიმი 13 ივლისამდე გრძელდება.

ერევანში, სატვირთო თვითმფრინავმა ჩინეთიდან სამედიცინო აღჭურვილობა ჩაიტანა, რომელიც ბიუჯეტის ფულით შეიძინეს.

მათ შორის, საავადმყოფოები მიიღებენ ხელოვნური სუნთქვის აპარატებს, სუფთა ჰაერის მიწოდების ინდივიდუალურ აპარატებს, სამედიცინო დამცავ ნიღბებს, სპეცტანსაცმელსა და კორონავირუსის ტესტებს.

•  ვის და რა დახმარებას უწევენ სომხეთში, კორონავირუსის ეკონომიკური შედეგების დასაძლევად

ჯანდაცვის მსოფლიო ორგანიზაციამ გასული დღე-ღამის განმავლობაში, ინფიცირების 183 ათასი შემთხვევა დაარეგისტრირა – ეს მთელი პანდემიის პერიოდში, სარეკორდო მაჩვენებელია.

სულ, მსოფლიოში, პანდემიის დაწყებიდან, 9 მილიონზე მეტი ადამიანი დაინფიცირდა.

ყველაზე მეტი ახალი შემთხვევა გასული დღე-ღამის განმავლობაში ბრაზილიაში დაფიქსირდა – 55 ათასი, აშშ-ში – 37 ათასი, ინდოეთში კი – 15 ათასი.

პანდემიის დაწყებიდან, მთელ მსოფლიოში, კორონავირუსით გარდაიცვალა 470 804 ადამიანი.

პირველი ხუთი ქვეყანა ინფიცირებულთა რაოდენობით:

აშშ – 2,356,715

ბრაზილია – 1,086,990

რუსეთი – 584,680

ინდოეთი – 426,910

დიდი ბრიტანეთი – 304,331

• „დარჩით სახლში, არა სასაფლაოზე“ – როგორ უმკლავდებიან ქვეყნები კორონავირუსის ახალ აფეთქებებს

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა