კორონავირუსი, ქრონიკა: სომხეთში დექსამეტაზონი დაიტაცეს. ექიმები მიმართავენ მოქალაქეებს, არ დალიონ ეს წამალი

სომხეთში დღე-ღამის განმავლობაში ინფიცირების 551 ახალი შემთხვევა გამოვლინდა და გარდაიცვალა 13 ადამიანი. სულ პანდემიის დაწყებიდან, დაინფიცირდა 19 708 ადამიანი, მათგან 332 გარდაიცვალა, 8 854 გამოჯანმრთელდა.

სომხეთში პრეპარატ დექსამეტოზონის ბუმი დაიწყო, მას მასობრივად იღებენ როგორც ინფიცირების თავიდან აცილების საშუალებას – მას შემდეგ, რაც გაჩნდა ცნობები დიდ ბრიტანეთში ამ პრეპარატის კლინიკური გამოცდის წარმატების შესახებ.

ჯანმრთელობის დაცვის სამინისტრო გამოვიდა საგანგებო განცხადებით თვითმკურნალობის საფრთხესთან დაკავშირებით:

„დექსამეტაზონის შემცველი პრეპარატები… თრგუნავს იმუნურ სისტემას და ქმნის ღიად ან ფარულად მიმდინარე დაავადებების გამწვავების საფრთხეს“.

• “ჩაკეტილები”: სომეხი შრომითი მიგრანტები რუსეთში ვერ მიდიან

კორონავირუსის ახალი შემთხვევები ზუგდიდში გამოვლინდა.

საქართველოში, გასული დღე-ღამის განმავლობაში, მხოლოდ ორი ახალი შემთხვევა დაფიქსირდა. სულ, პანდემიის დაწყებიდან 895 ადამიანი დაინფიცირდა. მათგან 14 გარდაიცვალა, 741 – გამოჯანმრთელდა.

დასავლეთ საქართველოში, სამეგრელოს რეგიონში, ვირუსის ახალი აფეთქების საფრთხე გაჩნდა. 55 წლის მამაკაცი საქართველოში რუსეთიდან 12 ივნისს, ზემო ლარსის საკონტროლო-გამშვები პუნქტის გავლით შემოვიდა. ის კარანტინში იმყოფებოდა, მაგრამ ზუგდიდში, ძმის დაკრძალვაზე დასწრების უფლება მისცეს. იქ, მას, სავარაუდოდ, ათობით ადამიანთან ჰქონდა კონტაქტი. ახლა მას კორონავირუსი დაუდასტურდა, უკვე იზოლირებულები არიან მისი ოჯახის წევრები და რამდენიმე სხვა ადამიანი.

თელავის ბაზარი და კორონავირუსი. VIDEO

სომხეთში, გასული დღე-ღამის განმავლობაში, ინფიცირების 665 ახალი შემთხვევა და გარდაცვალების 7 ფაქტი დაფიქსირდა. სულ, პანდემიის დაწყებიდან, ქვეყანაში დაინფიცირდა 18  698 ადამიანი, მათგან 309 გარდაიცვალა, 6 560 – გამოჯანმრთელდა.

პრემიერ-მინისტრი ნიკოლ ფაშინიანი:

“ჩვენ, კვლავ მასობრივად ვაგრძელებთ ნიღბების არგაკეთებას. მოქალაქეებთან დიალოგის რეჟიმში ჩამოყალიბებულმა ხელისუფლებამ, უნდა აიძულოს თუ არა ისინი, იზრუნონ საკუთარ ჯანმრთელობაზე?”.

სომხეთში მუშაობს ყველა სახის ბიზნესი და საზოგადოებრივი ტრანსპორტი, თუმცა, დაწესებულია ყველგან და ყოველთვის ნიღბის ტარების მოთხოვნა. ავტობუსებსა და სამარშრუტო ტაქსებს რეგულარულად უტარდებათ დეზინფექცია.

გამოცხადებულია, რომ საზღვრები, როგორც მინიმუმ 1 ივლისამდე იქნება ჩაკეტილი.

ვის და რა დახმარებას უწევენ სომხეთში, კორონავირუსის ეკონომიკური შედეგების დასაძლევად

ვიდეო: პრემიერ-მინისტრი ნიკოლ ფაშინიანი ერევნის ქუჩებში, ადამიანებს ნიღბებს ურიგებს

გარდაცვლილი მედიკოსი – 70 წლის მედდაა ქვემო ქართლის რეგიონიდან.

119 ინფიცირებული მედიკოსიდან, 101 – ექიმია, 18 – ტექნიკური პერსონალი.

გასული 24 საათის განმავლობაში, საქართველოში, ინფიცირების 9 ახალი შემთხვევა დაფიქსირდა, პანდემიის დაწყებიდან სულ 888 ადამიანი დაინფიცირდა. მათგან 731 გამოჯანმრთელდა, 14 – გარდაიცვალა.

• თბილისი – ძველი ტრანსპორტი ახალი წესებით. VIDEO

კალინინგრადში, მუშაობა შეაჩერა წამყვანმა საწარმო „ფაკელმა“, სადაც კოსმოსური საფრენი აპარატების ძრავებს ამზადებენ. იქ, სულ მცირე, 82 თანამშრომელი დაინფიცირდა.

მესამე დღეა, ჩაკეტილია ციმბირში, ქალაქ სევეროდვინსკი შესასვლელ-გასასვლელები, სადაც მუშაობა შეწყვიტა ორმა მსხვილმა სამხედრო საწარმომ, რომელშიც ატომურ საბრძოლო ხომალდებსა და წყალქვეშა ნავებს აგებენ.

COVID-19-ით ინფიცირებული პაციენტების სამკურნალოდ აღჭურვეს სასწრაფო დახმარების საავადმყოფოს შვიდსართულიანი კორპუსი.

17 ივნისის მონაცემებით, რუსეთში, ინფიცირებულთა საერთო რაოდენობა ნახევარ მილიონს აჭარბებს, გარდაიცვალა – 7 478. თუმცა, ექიმები და ექსპერტები აგრძელებენ მტკიცებას, რომ ეს სტატისტიკა ფალსიფიცირებულია და რეალური სურათი გაცილებით უარესია.

• „37.5 მაქვს, რა გავაკეთო?“ – მოსკოვში, კორონავირუსის სამკურნალოდ ფული და კავშირებია საჭირო

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა