კორონავირუსის საწინააღმდეგო პირველი ნამდვილი ვაქცინა?

მსოფლიოში წამლების ერთ-ერთმა უმსხვილესმა მწარმოებელმა – კორპორაცია Pfizer-მა განაცხადა, რომ მის მიერ შექმნილი კორონავირუსის საწინააღმდეგო ვაქცინა, დაცვას 90%-ით უზრუნველყოფს.

ვაქცინამ წარმატებით გაიარა გამოცდა მსოფლიოს 6 ქვეყანაში, 43 500 ადამიანზე. გვერდითი ეფექტები არ გამოვლენილა. 

• დავუჯეროთ თუ არა? პუტინმა კორონავირუსის საწინააღმდეგო ვაქცინის შექმნის შესახებ განაცხადა 

ახალი ვაქცინის მოქმედების მექანიზმის იმაში მდგომარეობს, რომ ვირუსის გენეტიკური კოდის ნაწილს ადამიანს უნერგავენ, რის შემდეგაც COVID-19-სადმი იმუნიტეტი ზრდას იწყებს. 

ახლა Pfizer-ი ხელისუფლებას სთხოვს, გამოიყენოს რეგისტრაციის საგანგებო პროცედურა. საერთაშორისო მედია ვარაუდობს, რომ ეს უკვე ნოემბერში მოხდება.

საფონდო ბირჟებზე Pfizer-ს დაუჯერეს. კორონავირუსის საწინააღმდეგო ვაქცინის შესახებ ინფორმაციის გავრცელების შემდეგ, კომპანიის აქციების ფასი, საშუალოდ 8 პროცენტით გაიზარდა.