ცხინვალში პრეზიდენტისა და პროკურორის გადადგომას მოითხოვენ
ცხინვალში მთავრობა გადააყენეს მას შემდეგ, რაც ეს ქუჩის პროტესტის ასობით მონაწილემ მოითხოვა. მიზეზი გახდა იზოლატორში, სავარაუდოდ, წამების შედეგად, 28 წლის ინალ ჯაბიევის სიკვდილი.
თუმცა, პროტესტი არ დასრულებულა. ხალხი გენერალური პროკურორისა და პრეზიდენტის გადადგომას მოითხოვს. ბევრი რამ მოგვაგონებს ანალოგიურ ისტორიას ცხინვალში, სადაც უკვე ხუთი წელია გრძელდება პროცესი მილიციის განყოფილებაში წამებისგან დაღუპული ვლადიმირ ცკაევის საქმეზე.
И новые сутки настали
Posted by Zarina Sanaqoty on პარასკევი, 28 აგვისტო, 2020
მიუხედავად იმისა, რომ მოედანზე მთელი ღამე დაახლოებით 100 ადამიანი დარჩა, მოთხოვნებს მხარს უჭერს მოსახლეობის უმრავლესობა და პარლამენტის ბევრი დეპუტატი.
„პროკურორი ურუზმაზ ჯაგაევი აქეზებდა დანაშაულებს, რომლებიც ხდებოდა სამართალდამცავ ორგანოებში და ის უნდა გადადგეს“, – განაცხადა დეპუტატმა ალიკ პლიევმა.
ინალ ჯაბიევი დააკავეს შსს-ს ხელმძღვანელის, იგორ ნანიევის სამსახურებრივ ავტომობილზე 2020 წლის 18 აგვისტოს ცეცხლის გახსნაში მონაწილეობისთვის. იმ ინციდენტის დროს არავინ დაშავებულა.
ცხინვალში უკანასკნელ წლებში ციხესა და იზოლატორში რამდენიმე ინციდენტი მოხდა. პატიმრები და მათი ნათესავები ამტკიცებენ, რომ იქ ადამიანებს სცემენ, აწამებენ და აბუჩად იგდებენ.
2020 წლის 6 ივნისს, მორიგი რეიდის შემდეგ, დაახლოებით 20-მა პატიმარმა აგრესიული მოპყრობისადმი პროტესტის ნიშნად ვენები გადაიჭრა – მაშინ არავინ დაღუპულა.
ინალ ჯაბიევის შეურაცხყოფას ადასტურებს მორგში გადაღებული ფოტოები, რომლებიც სოციალურ ქსელებში გამოქვეყნდა.
წამებისგან სიკვდილი – გაიხსენე ვლადიმირ ცკაევი
მედიასა და სოციალურ ქსელებში პარალელს ავლებენ ვლადიკავკაზის (ჩრდილოეთ ოსეთი, რუსეთი) მკვიდრის, ვლადიმირ ცკაევის ისტორიასთან, რომელიც მილიციის განყოფილებაში წამებისგან დაიღუპა.
ჩრდილოეთ ოსეთში პოლიციელებს ადამიანის წამებისა და მკვლელობისთვის ასამართლებენ
ეს ჯერ კიდევ 2015 წელს მოხდა, თუმცა სასამართლო პროცესი დღემდე გრძელდება.
„ისეთი განცდა მქონდა, თითქოს ვოვა დამენახოს: ეს მუხლები, თეძოები, ზურგი, ხელბორკილებით დასერილი ხელები… ყველაფერი იმავე სცენარით, როგორითაც ჩემი ქმრის შემთხვევაში“, – უთხრა ჟურნალისტებს მისმა ქვრივმა ზემფირა ცკაევამ.
ინტერნეტში ამ ფოტოკოლაჟს ავრცელებენ: მარცხნივ – ცხინვალის იზოლატორში დაღუპული ინალ ჯაბიევის ხელები, მარჯვნივ – ვლადიკავკაზის იზოლატორში დაღუპული ვლადიმირ ცკაევის.
![](https://jam-news.net/app/uploads/2020/08/photo_2020-08-29_08-33-47.jpg)
კომენტარები
ტელეგრამარხი „თავისუფლების მოედანი“:
„სრული შთაბეჭდილება იქმნება, რომ ცხინვალში შეიჭრა სადისტების რაზმი ვლადიკავკაზიდან, 2015 წლის ანალოგი. იგივე მეთოდები. იგივე წამება, როგორც ჩანს. რა მოხდა იქ? თავზე პაკეტი, თითებს შეერთებული საველე ტელეფონის კაბელები, ცემა.
და კიდევ, იგივე რიტორიკა პოსტფაქტუმ. ნაწამები ვლადიმირ ცკაევი, პოლიციის პრესსამსახურის გარეწრების ვერსიით, თავს იატაკს ურტყამდა და თავი მოიკლა.
ცხინვალელი რუხი ძაღლების მიერ ნაწამები ინალ ჯაბიევი, ლეგენდის მიხედვით, სიკვდილამდე „ტუალეტში წავიდა, ცუდად გახდა, მაგრამ მისი გადარჩენა ვერ შეძლეს“.
გასაოცარი მეთოდოლოგიური ერთობაა სამხრეთისა და ჩრდილოეთის მენტ-გამტყავებლებს შორის“.
„დღეს, ვფიქრობ, ყველასთვის ნათელი გახდა, რომ ჩვენს პატარა საზოგადოებას არ შეეფერება „მართლმსაჯულების“ ის კანონები, მეთოდები და პრაქტიკები, რომლებიც, ხშირად, გამოიყენება უზარმაზარ ქვეყანაში მრავალმილიონიანი მოსახლეობით.
იმედი მაქვს, სამხრეთ ოსეთის „რუსეთში ინტეგრაციის“ წარუმატებელი ექსპერიმენტი ამით დასრულდება“.
![](https://jam-news.net/app/uploads/2020/08/South-Ossetia-murder-of-Inal-Jabiyev.jpg)