2023 წელს საქართველო პასპორტების რეიტინგში 50-ე ადგილზეა
საქართველო პასპორტების რეიტინგში
ბრიტანული კომპანიის, Henley & Partners-ის ახალი ანგარიშის მიხედვით, 2023 წლის პასპორტების რეიტინგში საქართველო 50-ე ადგილზეა.
ამავე კვლევის მიხედვით ირკვევა, რომ ყველაზე ძლიერი პასპორტი იაპონიის პასპორტია. ამ ქვეყნის მოქალაქეებს უვიზოდ მიმოსვლა 193 ქვეყანაში შეუძლიათ. იაპონიას უკან მოსდევენ სამხრეთ კორეა და სინგაპური – 192 უვიზო რეჟიმით.
მსოფლიოში ყველაზე სუსტ პასპორტად ავღანეთის პასპორტი დასახელდა, რომლის მოქალაქეებს უვიზოდ გადაადგილება მხოლოდ 27 ქვეყანაში შეუძლიათ.
2023 წლის ყველაზე ძლიერი პასპორტები Henley & Partners-ის მიხედვით:
1) იაპონია (193 უვიზო რეჟიმი)
2) სინგაპური, სამხრეთ კორეა (192 უვიზო რეჟიმი)
3) გერმანია, ესპანეთი (190 უვიზო რეჟიმი)
4) ფინეთი, იტალია, ლუქსემბურგი (189 უვიზო რეჟიმი)
5) ავსტრია, დანია, ნიდერლანდები, შვედეთი (188 უვიზო რეჟიმი)
6) საფრანგეთი, ირლანდია, პორტუგალია, გაერთიანებული სამეფო (187 უვიზო რეჟიმი)
7) ბელგია, ახალი ზელანდია, ნორვეგია, შვეიცარია, აშშ, ჩეხეთის რესპუბლიკა (186 უვიზო რეჟიმი)
8) ავსტრალია, კანადა, საბერძნეთი, მალტა (185 უვიზო რეჟიმი)
9) უნგრეთი, პოლონეთი (184 უვიზო რეჟიმი)
10) ლიეტუვა, სლოვაკეთი (183 უვიზო რეჟიმი)
● “ჩივნინგის” სტიპენდიის არსებობა აფხაზეთში – რატომ არის ეს მნიშვნელოვანი
● ევროპარლამენტმა ოკუპირებულ რეგიონებში გაცემული რუსული პასპორტების არაღიარებას მხარი დაუჭირა
● სავიზო რეჟიმი რუსეთთან – კანონპროექტი საქართველოს პარლამენტში უკვე ინიციირებულია
• საქართველოსა და ევროკავშირის ქვეყნებს შორის უვიზო მიმოსვლა 2017 წლის 28 მარტს ამოქმედდა. 2017 წლის მარტიდან დეკემბრის ჩათვლით ევროპაში უვიზოდ საქართველოს 170 ათასმა მოქალაქემ იმოგზაურა.
• ევროკავშირი უფლებას იტოვებს, რომ თუ საქართველო ვალდებულებებს არ შეასრულებს, ე.წ. “შეჩერების მექანიზმი” ამოქმედდება და ვიზალიბერალიზაცია გადაიხედება. საქართველოს ხელისუფლება აცხადებს, რომ პრობლემების მიუხედავად, ამ ეტაპზე ვიზალიბერალიზაციის გადახედვის საფრთხე არ დგას.
• ევროპაში თავშესაფრის მაძიებელი საქართველოს მოქალაქეები ყველაზე ხშირად ქვეყნიდან წასვლის მოტივად საქართველოში არსებულ უმუშევრობას ასახელებენ. ასევე ევროპაში საქართველოს ბევრი მოქალაქე ჯანმრთელობის მდგომარეობის გამო მიდის, რაც ქვეყნის ჯანდაცვის სისტემაში არსებულ პრობლემებზე მიუთითებს.
• მნიშვნელოვან პრობლემად რჩება ევროპაში ქართული კრიმინალი – როგორც ორგანიზებული, ისე წვრილმანი ქურდობები. ამ პრობლემაზე განსაკუთრებით ხშირად მიუთითებს გერმანია. ამ ქვეყნის წარმომადგენლები გასულ წელს თბილისშიც კი იყვნენ და საქართველოს შს მინისტრს ქმედითი ზომების გატარება მოსთხოვეს.