ოპოზიცია სახალხო კრებას იწვევს" />

ქართველი პარტიზანის შეწყალების გამო, აფხაზეთის პრეზიდენტი შესაძლოა პოსტს დაემშვიდობოს

ოპოზიცია სახალხო კრებას იწვევს

ფოტო: ანაიდ გოგორიანი, JAMnews

აფხაზეთის ოპოზიცია იწვევს სრულიად სახალხო შეკრებას, სადაც პრეზიდენტ რაულ ხაჯიმბას გადადგომას მოითხოვს. ამის მიზეზი ქართული პარტიზანული რაზმის, „ტყის ძმების“ ერთ-ერთი ლიდერის, გიორგი ლუკავას შეწყალებასთან დაკავშირებული ისტორია გახდა.

2013 წელს ლუკავას აფხაზეთში 20-წლიანი პატიმრობა მიესაჯა. მას ბრალად ედებოდა მძიმე დანაშაულებათა ვრცელი ჩამონათვალი, რომლებიც მან პარტიზანული ჯგუფის საქმიანობის დროს ჩაიდინა ქართულ-აფხაზური კონფლიქტის საომარი ფაზის დასრულებისთანავე, 1990-წლის დასაწყისიდან 2000-იან წლებამდე, როდესაც საქართველოში ხელისუფლება შეიცვალა და „ტყის ძმებმა“ არსებობა შეწყვიტა.

გიორგი ლუკავასთვის წაყენებული დანაშაულების სიაში ფიგურირებდა ასევე: შეიარაღებული უკანონო დაჯგუფების ხელმძღვანელობა; ადამიანებსა და ორგანიზაციებზე თავდასხმა; ადამიანების გატაცება; სამსახურეობრივი ვალის მოხდის დროს შვიდი აფხაზი სამხედრო მოსამსახურის განსაკუთრებული სისასტიკით განზრახ მკვლელობა.

2017 წლის ბოლოს – 26 დეკემბერს აფხაზეთის საზოგადოებამ მისდა გასაოცრად პოსტფაქტუმ შეიტყო, რომ გიორგი ლუკავა ქართულ მხარეს გადასცეს და უკვე თბილისში იმყოფება.

სოციალურ ქსელებში ამ ფაქტის მკვეთრად დაგმობა ახალი წლის შემდეგ მალევე გადაიზარდა პარლამენტის წინ გამართულ საპროტესტო აქციაში. სასწრაფოდ შეიქმნა საპარლამენტო კომისია, რომელსაც საზოგადოებისთვის იმის ახსნა-განმარტება უნდა წარედგინა, თუ რატომ გათავისუფლდა ვადაზე ადრე განსაკუთრებით საშიში დამნაშავე, რომელსაც 20-წლიანი პატიმრობა ჰქონდა მისჯილი.

აფხაზეთის პრეზიდენტი რაულ ხაჯიმბა პარლამენტში სიტყვით გამოვიდა და ლუკავას შეწყალების გადაწყვეტილება შემდეგნაირად ახსნა:

2015 წელს მან სამხრეთ ოსეთის პრეზიდენტისგან მიიღო წერლი, რომელშიც ის მას პატიმრების რთულ გაცვლაში დახმარების გაწევას სთხოვდა: არსებობდა შეთავაზება, რომ რამდენიმე ქართველი, რომლებიც აფხაზეთში იხდიდნენ სასჯელს, საქართველოს ციხეებში მყოფ რამდენიმე სამხრეთელ ოს პატიმარში გაეცვალათ.

„ჩვენ მაშინ მათთვის დახმარების გაწევის გადაწყვეტილება მივიღეთ, და ეს ღიად გადაწყდა, არავის დაუმალავს“, – თქვა რაულ ხაჯიმბამ.

საპარლამენტო კომისია ერთი კვირის განმავლობაში განიხილავდა პრეზიდენტის განმარტებას და საქმის სხვა გარემოებებს სწავლობდა. 2018 წლის 5 იანვარს დეპუტატმა ილია გუნიამ კომისიის საბოლოო გადაწყვეტილება ხალხს პირდაპირ პარლამენტის შენობის შესასვლელიდან წაუკითხა.

გადაწყვეტილება ორმაგი იყო;

ერთი მხრივ, კომისია მივიდა დასკვნამდე, რომ ის არ არის უფლებამოსილი, რომ პრეზიდენტის ქმედებებს სამართლებრივი შეფასება მისცეს, და რომ ეს, საკონსტიტუციო სასამართლომ უნდა გააკეთოს. თუმცა, იმისთვის, რომ საკონსტიტუციო სასამართლო სამუშაოს შეუდგეს, ჯერ მისი დაკომპლექტებაა საჭირო – მის შემადგენლობას ერთი მოსამართლე აკლია – მათ პირობა დადეს, რომ ეს უახლოეს მომავალში გაკეთდება.

მეორე მხრივ, პარლამენტმა რეკომენდაცია მისცა პრეზიდენტ რაულ ხაჯიმბას, რომ დაკავებული თანამდებობიდან გაეთვისუფლებინა პრეზიდენტის ადმინისტრაციის ხელმძღვანელი დაურ არშბა.

თუმცა, მომიტინგეები პარლამენტის გადაწყვეტილებამ არ დააკმაყოფილა. ხალხი არათუ დაიშალა, არამედ მომიტინგეების მთავარ მოთხოვნად ახლა პრეზიდენტ რაულ ხაჯიმბას გადადგომა იქცა.

რაულ ხაჯიმბას სურდა მომიტინგეების წინაშე გასულიყო და ხალხისთვის პირისპირ აეხსნა თავისი ქმედებები. მაგრამ მას აგრესიულად შეხვდნენ, უსტვენდნენ და ის დაცვასთან ერთად დაბრუნდა მთავრობის შენობაში, რომლის მთელ პერიმეტრსაც მჭიდროდ იცავდა მილიცია და სპეცრაზმი.

ფოტო: ანაიდ გოგორიანი, JAMnews

თავიდან მეპროტესტეებს თავად საპარლამეტო კომისიის ხელმძღვანელი, ოპოზიციონერი დეპუტატი რაულ ლოლუა შეუერთდა. მან დაგმო კომისიის გადაწყვეტილება (რომელსაც არცთუ დიდი ხნით ადრე თავად მოაწერა ხელი) და განაცხადა, რომ მთავრობის შენობის წინ უვადო აქცია მანამდე უნდა გაგრძელდეს, ვიდრე ხაჯიმბა არ გადადგება.

თუმცა, მოგვიანებით, იმავე დღეს, 5 იანვარს ლოლუამ ოპოზიციის ლიდერებთან ერთად მეზობელ უბანში – „აფხაზეთის სადაზღვევო კომპანიის“ შენობაში თათბირი გამართა და გეგმები შეცვალა.

რაულ ლოლუა მომიტინგეებთან ღამის პირველ საათზე დაბრუნდა და აცნობა მათ, რომ ოპოზიცია ამზადებს სახალხო შეკრებას, რომელზეც ოფიციალურად წარმოადგენენ პრეზიდენტ ხაჯიმბას გადადგომის მოთხოვნას – ამის შემდეგ ქუჩის პროტესტი შეწყდა.

ტექსტში გამოყენებული ტერმინები და ტოპონიმები, ასევე მოსაზრებები და იდეები, ყოველთვის არ ემთხვევა JAMnews-ის და მისი ცალკეული თანამშრომლების პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო.

ამავე თემაზე

აზიური ფაროსანა ჟენევის მოლაპარაკებების დღის წესრიგში მოხვდა

აზიური ფაროსანა ჟენევის მოლაპარაკებების დღის წესრიგში მოხვდა

აფხაზეთში პროზექტურა გაძარცვეს

აფხაზეთში პროზექტურა გაძარცვეს

გიგა ოთხოზორიას ოჯახმა სტრასბურგის სასამართლოს მიმართა

გიგა ოთხოზორიას ოჯახმა სტრასბურგის სასამართლოს მიმართა

ერევანმა სომხურ-თურქული პროექტები გააუქმა, სახმელეთო საზღვარი კი ისევ დაკეტილი რჩება

ერევანმა სომხურ-თურქული პროექტები გააუქმა, სახმელეთო საზღვარი კი ისევ დაკეტილი რჩება

ვთქვათ, ყარაბაღი რომ დაბრუნდეს?!

ვთქვათ, ყარაბაღი რომ დაბრუნდეს?!

ზღვისპირეთის კარმა - რა იყო დასამახსოვრებელი აფხაზეთში 2017 წელს

ზღვისპირეთის კარმა - რა იყო დასამახსოვრებელი აფხაზეთში 2017 წელს

თვითცენზურა აზერბაიჯანში - დუმილით შევხვდეთ ყველაფერ სომხურს

თვითცენზურა აზერბაიჯანში - დუმილით შევხვდეთ ყველაფერ სომხურს

სამხრეთ ოსეთში ქართულ-ოსური კონფლიქტის ერთ-ერთი ცნობილი სახე, მარეკ დუდაევი მოკლეს

სამხრეთ ოსეთში ქართულ-ოსური კონფლიქტის ერთ-ერთი ცნობილი სახე, მარეკ დუდაევი მოკლეს

საქართველოს საგარეო საქმეთა სამინისტრო ცხინვალსა და მოსკოვს შორის დადებულ სამხედრო შეთანხმებას გამოეხმაურა

საქართველოს საგარეო საქმეთა სამინისტრო ცხინვალსა და მოსკოვს შორის დადებულ სამხედრო შეთანხმებას გამოეხმაურა

სომხეთში ოპოზიციონერს თავისუფლების 10 წლით აღკვეთა მიუსაჯეს

სომხეთში ოპოზიციონერს თავისუფლების 10 წლით აღკვეთა მიუსაჯეს

სომხური ენა საქართველოში: სახელმწოფო ენის სტატუსის მომხრეები და მოწინააღმდეგეები

სომხური ენა საქართველოში: სახელმწოფო ენის სტატუსის მომხრეები და მოწინააღმდეგეები

სოხუმში დანაშაულთან ბრძოლის აფხაზურ-რუსული ერთობლივი ცენტრი შეიქმნა

სოხუმში დანაშაულთან ბრძოლის აფხაზურ-რუსული ერთობლივი ცენტრი შეიქმნა

შეიარაღებული თავდასხმა სომხეთის ერთ-ერთ ბანკზე: გატაცებულია დიდი ოდენობით თანხა

შეიარაღებული თავდასხმა სომხეთის ერთ-ერთ ბანკზე: გატაცებულია დიდი ოდენობით თანხა

ხუთი ისტორია იმ ადამიანების შესახებ, რომლებმაც სომხეთში ხავერდოვანი რევოლუცია მოახდინეს

ხუთი ისტორია იმ ადამიანების შესახებ, რომლებმაც სომხეთში ხავერდოვანი რევოლუცია მოახდინეს

Facebook Comments

ასევე წაიკითხეთ