მის მიმართ მთავარ პრეტენზიად იქცა დიდი ბრიტანეთის ევროკავშირიდან გასვლის ვითომდა არახელსაყრელი პირობები" />

ტერეზა მეი დიდი ბრიტანეთის პრემიერ-მინისტრად რჩება

მის მიმართ მთავარ პრეტენზიად იქცა დიდი ბრიტანეთის ევროკავშირიდან გასვლის ვითომდა არახელსაყრელი პირობები

ბრიტანეთის პარლამენტის ქვედა პალატის კონსერვატიული პარტიის დეპუტატებმა ხმათა უმრავლესობით ტერეზა მეის ნდობა გამოუცხადეს, – იუწყება ВВС. ახლა ჯერი პარლამენტზეა.

ტერეზა მეის, როგორც პარტიის ლიდერის მიმართ, ნდობის საკითხის კენჭისყრაზე დაყენების მიზეზად მის მიერ დიდი ბრიტანეთის ევროკავშირიდან გასვლის პირობებთან დაკავშირებით შეთავაზებული შეთანხმება იქცა. ბევრმა ეს პირობები ბრიტანული მხარისთვის არახელსაყრელად მიიჩნია. პროტესტის ნიშნად, მეის მთავრობა ორმა მინისტრმა დატოვა.

2016 წლის მაისში დიდ ბრიტანეთში ქვეყნის ევროკავშირის წევრობასთან დაკავშირებით რეფერენდუმი ჩატარდა. რეფერენდუმზე ამ ორგანიზაციიდან გასვლის მომხრეებმა მინიმალური სხვაობით გაიმარჯვეს. როგორც სოციოლოგიური კვლევებიდან ჩანს, ევროკავშირიდან გასვლას მაშინ ხმა ძირითადად კონსერვატიული შეხედულებების მქონე ასაკოვანმა ადამიანებმა მისცეს. წინააღმდეგი იყი უმეტესად ახალგაზრდობა და მოსახლეობის ეკონომიკურად აქტიური ნაწილი.

 

 მას შემდეგ ევროკავშირსა და დიდ ბრიტანეთს შორის გაყრის პირობებთან დაკავშირებით მოლაპარაკებები მიმდინარეობს, ჯერჯერობით პროცედურა ჩიხშია.

პარტიული საკითხი

იმას, რომ ტერეზა მეი პარტიის ლიდერად დარჩეს, ხმა 200-მა დეპუტატმა მისცა. წინააღმდეგი იყო -117. კენჭისყრა ფარულად მიმდინარეობდა.

• ლონდონში ასეულ ათასობით ადამიანი ბრიტანეთის ევროკავშირიდან გასვლას აპროტესტებს

• შეიძლება თუ არა, რომ აშშ-ის პრეზიდენტი რუსეთის აგენტი აღმოჩნდეს?

 ეკონომიკური კრიზისი თურქეთში. პოლიცია პურის ფასს აკონტროლებს

ამრიგად, მეი კონსერვატორების პარტიის ლიდერად რჩება და პრემიერ-მინისტრის თანამდებობას ინარჩუნებს. ახლა ერთი წლის განმავლობაში მეის, როგორც პარტიის ლიდერისადმი, უნდობლობის შესახებ კენჭისყრის ინიცირებას ვერავინ შეძლებს.

მანამდე ოთხშაბათს კონსერვატიული პარტიის 48 დეპუტატმა ხელმძღვანელობას ოფიციალური წერილები გადასცა, სადაც უნდობლობას უცხადებდნენ პრემიერს, რომელიც ასევე კონსერვატიულ პარტიას წარმოადგენს.

თემთა პალატის საერთო რაოდენობის 15%-ის მიერ ხელმოწერილი ეს წერილები საკმარისი იყო იმისთვის, რომ კონსერვატორთა ფრაქციის კენჭისყრაზე პარტიის ლიდერისადმი ნდობის საკითხი გაეტანათ.

პარლამენტის საკითხი

ახლა ინტრიგამ გადაინაცვლა ბრიტანეთის პარლამენტში, რომელსაც მეის მიერ შეთავაზებული ევროკავშირიდან გასვლის გეგმის სასარგებლოდ ან საწინააღმდეგოდ მოუწევს ხმის მიცემა.

ამ გეგმის მიღების შანსები 50:50-ზეაოპოზიციაც და მმართველი კონსერვატიული პარტიის ბევრი დეპუტატიც მისით უკმაყოფილოა. მთავარი სადავო საკითხია – დიდი ბრიტანეთის შემადგენლობაში არსებულ ჩრდილოეთ ირლანდიასა და ევროკავშირის წევრ ირლანდიის რესპუბლიკას შორის მკაცრი (სრულფასოვანი საბაჟო პროცედურების გათვალისწინებით) საზღვრის დადგენა.

მოვლენების განვითარების შესაძლო ვარიანტები

დიდი ბრიტანეთი გააგრძელებს ევროკავშირიდან გამოყოფას, რაც უკვე ორი წელიწადია გრძელდება და ამას თან ახლავს ინტრიგები, მილიონიანი საპროტესტო აქციები და ახალი რეფერენდუმის ჩატარების მოწოდებები.  

იმ შემთხვევაში, თუკი დიდი ბრიტანეთის პარლამენტი ევროკავშირიდან გასვლის ტერეზა მეისეულ გეგმას უარყოფს, ქვეყანას შესაძლოა ელოდეს:

• ევროკავშირის წევრობასთან დაკავშირებით ახალი რეფერენდუმი;

• ევროკავშირიდან შეთანხმების გარეშე გასვლა, რასაც დიდი ბრიტანეთის ეკონომიკისთვის სერიოზული ცვლილებები მოჰყვება;

• რიგგარეშე საპარლამენტო არჩევნები.


ასევე წაიკითხეთ