2019 წლის ბიუჯეტში პრეზიდენტის ადმინისტრაციის დაფინანსება თითქმის მილიონ-ნახევარი დოლარით (ეკვივალენტით ლარში) მცირდება " />

საქართველოს ახალი პრეზიდენტი უფრო ღარიბი იქნება. ინაუგურაციასა და ახალ რეზიდენციასთან დაკავშირებული დეტალები

2019 წლის ბიუჯეტში პრეზიდენტის ადმინისტრაციის დაფინანსება თითქმის მილიონ-ნახევარი დოლარით (ეკვივალენტით ლარში) მცირდება

მომავალ წელს საქართველოს პრეზიდენტის ადმინისტრაციას 3,8 მილიონი ლარი (1,4 მილიონ დოლარზე) მეტი აკლდება.

საქართველოს 2019 წლის ბიუჯეტის პროექტის თანახმად, სწორედ ამდენით მცირდება პრეზიდენტის ადმინისტრაციის დაფინანსება.

ახალი პრეზიდენტი საქართველომ 28 ნოემბერს, არჩევნების მეორე ტურში აირჩია. ქვეყნის მეხუთე პრეზიდენტი პროსახელისუფლებო კანდიდატი, სალომე ზურაბიშვილი გახდა, რომელმაც ხმათა 59,52% დააგროვა. მისმა კონკურენტმა ოპოზიციიდან, გრიგოლ ვაშაძემ კი ხმების 40,48% მიიღო. საერთაშორისო დამკვირვებლებმა არჩევნები შეაფასეს, როგორც კონკურენტული, მაგრამ არასამართლიანი. ოპოზიცია, ყოფილი პრეზიდენტის, სააკაშვილის მეთაურობით, არჩევნების შედეგებს არ აღიარებს და ვადამდელ საპარლამენტო არჩევნებს ითხოვს.

•  ვინ არის სალომე ზურაბიშვილი, საქართველოს ახალი პრეზიდენტი?

• “ქართული ოცნების” კონსტიტუცია

• ქართული პოლიტიკის მთავარი კონფლიქტი: პრეზიდენტი VS არაფორმალური მმართველი

ეს არ არის ერთადერთი ცვლილება, რომელიც პრეზიდენტის ფინანსებს შეეხება. ადმინისტრაციიდან თანამშრომლების ნახევარზე მეტს გაათავისუფლებენ. თუკი ამჟამად იქ 140 ადამიანი მუშაობს, ახალი პრეზიდენტის, სალომე ზურაბიშვილის ადმინისტრაციაში 60 თანამშრომელი იქნება.

კიდევ ერთი სიახლე – მთლიანად უქმდება პრეზიდენტის ფონდი.

ყოველწლიურად პრეზიდენტის ფონდში ბიუჯეტიდან ირიცხებოდა 5 მილიონი ლარი (დაახლოებით 1,9 მილიონი დოლარი). ფონდიდან ფინანსდებოდა, მაგალითად, სტიპენდიები დასავლეთის უნივერსიტეტებში მყოფი ქართველი სტუდენტებისთვის. ამიერიდან, პრეზიდენტს სტუდენტების გახარების საშუალება აღარ ექნება.

როდის გაიმართება ინაუგურაცია

არჩეული პრეზიდენტის, სალომე ზურაბიშვილის ინაუგურაცია 16 დეკემბერს – არჩევნებიდან მესამე კვირადღეს გაიმართება, როგორც ამას კანონმდებლობა ითვალისწინებს.

თუმცა, ჯერჯერობით უცნობია ადგილი, სადაც ცერემონია ჩატარდება.

რუსთავი 2-ის ინფორმაციით, ინაუგურაცია შესაძლოა თელავში, მეფე ერეკლეს სასახლეში გაიმართოს. თუ ასე მოხდა, ეს იქნება პირველი შემთხვევა, როდესაც ინაუგურაცია დედაქალაქში არ ჩატარდება.

სალომე ზურაბიშვილის წინამორბედებმა, გიორგი მარგველაშვილმა და ასევე საქართველოს სხვა პრეზიდენტებმა, ფიცი თბილისში, პარლამენტის შენობასთან დადეს. იქვე ეზოში იმართებოდა ხოლმე ახლადარჩეული პრეზიდენტისთვის უფლებამოსილების გადაცემის ოფიციალური ცერემონიაც.

პირველი ვარიანტი – თბილისში, ავლაბარში მდებარე მოქმედი პრეზიდენტის რეზიდენცია.

მეორე ვარიანტი – თბილისში, საქართველოს პარლამენტის ეზოში ცერემონიის გამართვა, სადაც 2013 წელს საქართველოს მეოთხე პრეზიდენტის, გიორგი მარგველაშვილის ინაუგურაცია ჩატარდა.

1991 წელს საქართველოს პირველი პრეზიდენტი გახდა პროფესიით ფილოლოგი და ანტისაბჭოთა დისიდენტი ზვიად გამსახურია. ერთი წლის შემდეგ, 1992 წელს საქართველოში სამხედრო გადატრიალება მოხდა, რომლის შედეგადაც გამსახურდია დაამხეს და ქვეყნიდან გააძევეს.

საქართველოს მეორე პრეზიდენტი 1995 წელს ცნობილი პარტიული მუშაკი  ედუარდ შევარდნაძე გახდა, რომელიც ქვეყანას 11 წელი მართავდა და იძულებული გახდა გადამდგარიყო 2003 წლის "ვარდების რევოლუციის" შემდეგ. 

ფოტო:  მეორე პრეზიდენტ ედუარდ შევარდნაძის ინაუგურაცია. 2000 წელი.  REUTERS

 


საქართველოს მესამე პრეზიდენტი 2003 წელს  მიხეილ სააკაშვილი გახდა. სააკაშვილი ქვეყნის პრეზიდენტად 2013 წლამდე დარჩა. ის პირველი პრეზიდენტია, რომელიც არჩევნების გზით შეიცვალა. თუმცა ამ ცვლილებას რთულია უწოდო მეგობრული.

 სააკაშვილმა ქვეყანა 2013 წელს დატოვა, თანამდებობის დატოვებისთანავე, ისე რომ არ დასწრებია მეოთხე პრეზიდნტის, გიორგი მარგველაშვილის ინაუგურაციას.

დღესდღეობით სააკაშვილის წინააღმდეგ რამდენიმე  საქმეა აღძრული. მას ქვეყანაში დაბრუნების შემთხვევაში  დაკავება ემუქრება.
 
ფოტო: მესამე პრეზიდენტის მიხეილ სააკაშვილის ინაუგურაცია მეორე ვადით პრეზიდენტად არჩევის შემდეგ.
 REUTERS/დავით მძინარიშვილი

 

 

 

სად იმუშავებს პრეზიდენტი

საქართველოს ახალი პრეზიდენტის რეზიდენციაც სხვა ადგილას იქნება.

ზურაბიშვილმა უარი თქვა, იმუშაოს პრეზიდენტის ავლაბრის რეზიდენციაში, რომელიც მესამე პრეზიდენტის, მიხეილ სააკაშვილის დროს აშენდა.

სალომე ზურაბიშვილი თბილისში, ათონელის ქუჩაზე მდებარე რეზიდენციაში იმუშავებს. შენობაში, რომელშიც მეხუთე პრეზიდენტის ადმინისტრაცია უნდა განთავსდეს, ამჟამად რემონტი მიმდინარეობს, ქუჩაზე კი – საგზაო სამუშაოები.

საერთოდ, „ქართული ოცნების“ ხელმძღვანელი უკვე დიდი ხანია ებრძვის ავლაბრის რეზიდენციას.

ავლაბარში მდებარე პრეზიდენტის რეზიდენცია ერთ-ერთი კონკრეტული მიზეზია დაძაბულობის, რომელიც ყოფილ პრემიერ-მინისტრს, ქვეყნის პრაქტიკულ მმართველ ბიძინა ივანიშვილსა და პრეზიდენტ მარგველაშვილს შორის წარმოიქმნა.

თავდაპირველი უარის მიუხედავად, პრეზიდენტად არჩევის შემდეგ, გიორგი მარგველაშვილმა ავლაბრის რეზიდენციაში გადასვლა გადაწყვიტა და ამით საბოლოოდ განაწყო თავის წინააღმდეგ ივანიშვილი.

ბიძინა ივანიშვილისთვის, რომლისთვისაც მიუღებელია არა მხოლოდ პირადად სააკაშვილი, ასევე, მის მიერ აგებული შენობებიც, მარგველაშვილის გადაწყვეტილება ღალატის ტოლფასი იყო.

ზურაბიშვილი ნამდვილად არ არის კონფლიქტურად განწყობილი ყოფილი პრემიერისადმი, რომელიც ახლაც კულისებიდან მართავს ქვეყანას.

ზურაბიშვილი სტუმრად მარგველაშვილთან

სალომე ზურაბიშვილი და გიორგი მარგველაშვილი პრეზიდენტის ავლაბრის რეზიდენციაში. 2018 წლის 3 დეკემბერი. ფოტო: საქართველოს პრეზიდენტის Facebook-გვერდი.

თუმცა, სალომე ზურაბიშვილს ავლაბრის რეზიდენციის მონახულება ერთხელ მაინც მოუწია.

საქართველოს მოქმედი პრეზიდენტი გიორგი მარგველაშვილი არჩეულ პრეზიდენტ სალომე ზურაბიშვილს 3 დეკემბერს შეხვდა, როდესაც ის ავლაბრის რეზიდენციაში მივიდა.

როგორც სალომე ზურაბიშვილმა განაცხადა, შეხვედრაზე ინაუგურაციასთან დაკავშირებული კითხვები და საქმეთა გადაბარების საკითხები განიხილეს.

უნდა აღინიშნოს, რომ ეს 18-წუთიანი შეხვედრა ნამდვილად ისტორიული იყო – საქართველოს დამოუკიდებლობის 27 წლის განმავლობაში არ მომხდარა, რომ ახლად არჩეული პრეზიდენტი და მისი წინამორბედი ერთმანეთს კონსტრუქციულ და სამუშაო გარემოში შეხვედროდნენ.

შეხვედრის გამართვის ინიციატივით მარგველაშვილი არჩევნების მეორე ტურის შედეგების გამოცხადებისთანავე გამოვიდა.

Facebook Comments

ასევე წაიკითხეთ