ეს კადრები ამ წუთებში რიკოთის უღელტეღილზეა გადაღებული.
უკვე რამდენიმე საათია აქ მოძრაობა შეფერხებულია. მძღოლებს ეუბნებიან, რომ მიმდინარეობს სარემონტო სამუშაოები.
შეფერხებულია მხოლოდ დასალვლეთიდან თბილისისკენ მიმართულება, თბილისიდან დასავლეთისკენ მანქანები ჩვეულებრივად მორაობენ.
მძღოლების კოლონაში უკმაყოფილებაა, რადგან ბევრი მათგანი არჩევნებში ხმის მისაცემად რეგისტრაციის ადგილზე მიდიოდა. მათ ვერ ეუბნებიან, როდის გაიხსნება მოძრაობა.
JAMnews-ს საავტომობილო გზების დეპარტამენტში უთხრეს, რომ სოფელ ხუნევთან მთა ჩამოიშალა და მიმდინარეობს გაწმენდითი სამუშაოები და აუცილებელია რიკოტის უღელტეხიის ჩაკეტვა.
“ზუსტად ვერ გეტყვით როდის გაიხსნება. მინიმუმ ორი საათი ჩაკეტილი იქნება. თუ საშუალება გაქვთ გაბრუნდით,” – უთხრეს JAMnews გზების დეპარტამენტის ცხელ ხაზზე.
მოძრაობა შესაძლებელი იქნება მხოლოდ საჩხერის გავლით.
საქართველოში საარჩევნო კენჭისყრის პროცედურა 08:00 საათზე დაიწყო და მთელი დღის განმავლობაში გაგრძელდება. საარჩევნო უბნები 20:00 საათზე დაიხურება. მთელი ამ დროის განმავლობაში აკრძალულია პოლიტიკური პარტიების რეკლამა და აგიტაცია.
2 ოქტომბრის არჩევნებისთვის რეგისტრირებულია 43 საარჩევნო სუბიექტი. მერის არჩევნებში ის კანდიდატი გაიმარჯვებს, რომელიც არჩევნებში ამომრჩეველთა ხმების 50%-ზე მეტს მიიღებს. ამასთან, საარჩევნო რეფორმის შედეგად, 40%-იანი ბარიერი მოქმედებს საკრებულოების მაჟორიტარი წევრების ასარჩევად.