"ნუ გვაბრმავებ!" - ჟურნალისტებმა შსს-სთან აქცია გამართეს
„ნუ გვაბრმავებ!“ – ამ ლოზუნგით შინაგან საქმეთა სამინისტროსთან ჟურნალისტებმა საპროტესტო აქცია გამართეს.
● მიტინგი პარლამენტთან და აქციის დაშლა ცესკოსთან. ვიდეოისტორია
● აქციის დაშლის ღამე. რას აპირებს ოპოზიცია?
● გახარია: პარტნიორების დახმარებით, პროცესი სამართლებრივ პლატფორმებზე უნდა გადავიტანოთ
აქციის ორგანიზატორი ჟურნალისტური ეთიკის ქარტია იყო.
„2020 წლის, 8 ნოემბერს, ცენტრალური საარჩევნო კომისიის შენობის მიმდებარე აქციაზე სამართალდამცავი ორგანოების მიერ გამოყენებული ზომების შედეგად, დაშავდა მედიის ათამდე წარმომადგენელი, დაზიანდა მათი კუთვნილი ტექნიკაც. აღსანიშნავია, რომ ადგილზე შესაძლებელი იყო ჟურნალისტების იდენტიფიცირება“, – აცხადებენ აქციის ორგანიზატორები.
ჟურნალისტური ეთიკის ქარტია საქართველოში აკრედიტებულ დიპლომატიურ კორპუსებისა და სხვადასხვა საერთაშორისო ორგანიზაციებისადმი მიმართვასაც გაავრცელებს.
![](https://jam-news.net/app/uploads/2020/11/publika.ge-1-21-1024x768-1.jpg)
ათობით ადამიანი დაშავდა გუშინ, 8 ნოემბერის ღამეს, ცენტრალური საარჩევნო კომისიის შენობის წინ, როდესაც პოლიციამ მომიტინგეების წინააღმდეგ წყლის ჭავლი და ცრემლსადენი გაზი გამოიყენა.
ცესკოსთან რამდენიმე ასეული ადამიანი შეიკრიბა, ისინი 31 ოქტომბრის არჩევნების შედეგების გაუქმებას ითხოვდნენ, რადგან მათი თქმით, არჩევნები გაყალბებულია.
ღამე ოპოზიცია დაიშალა, თუმცა დღეს კვლავ დაანონსებულია მიტინგი პარლამენტის შენობის წინ.
შსს-ის ცნობით, აქციის მიმდინარეობისას ჯანმრთელობის სხვადასხვა ხარისხის დაზიანებები მიიღო 14-მდე სამართალდამცველმა, მედიის 3-მა წარმომადგენელმა და აქციის 10-მდე მონაწილემ. ადმინისტრაციული წესით, სულ 19 პირია დაკავებული.