კორონავირუსით ინფიცირებულთა რაოდენობა 148-მდე გაიზარდა საქართველოში

3 აპრილის  10:00 საათისთვის, საქართველოში კორონავირუსით ინფიცირების 148 შემთხვევაა დადასტურებული. კარანტინის რეჟიმშია 5550 ადამიანი, ხოლო სტაციონარში მეთვალყურეობის ქვეშ – 281 პირი. 

კორონავირუსით ინფიცირებულთაგან 27 გამოჯანმრთელდა. მათ შორის ერთი 81 წლის ქალია.

COVID-19  დაუდასტურდა რუსთავის საკრებულოს დეპუტატს. კორონავირუსით არის ინფიცირებული დედამისიც, რომელიც ეროვნული ბანკის ფულის საცავის თანამშრომელია. მისი მტკიცებით, ის სამსახურში, ფულთან კონტაქტის შედეგად დაინფიცირდა.

რუსთავის საკრებულოს თანამშრომელთა ნაწილი ამჟამად თვითიზოლაციაში იმყოფება.

საკრებულო დაიკეტა და შენობას დეზინფექცია ჩაუტარდა.

• რას ნიშნავს საგანგებო მდგომარეობა – რისი უფლება გვაქვს და რისი არა
• მარნეული და ბოლნისი დაიკეტა
• მარნეული ეპიდაფეთქების მოლოდინში. რა ხდება დახურულ ქალაქში
• საქართველოში საყოველთაო კარანტინი ცხადდება

კორონავირუსის პანდემიის შეჩერების მიზნით საქართველოში 21 მარტს საგანგებო ვითარება გამოცხადდა, 23 მარტს კორონავირუსის შიდა გავრცელების გამო მარნეული და ბოლნისი დაიკეტა, 31 მარტიდან კი საქართველოს მთელს ტერიტორიაზე კომენდანტის საათი ამოქმედდა.