კორონავირუსის პირველი სამი დადასტურებული შემთხვევა სამხრეთ ოსეთში

ამ დრომდე, სამხრეთ ოსეთი კავკასიაში ერთადერთი რეგიონი იყო, სადაც კორონავირუსის ინფექციის არც ერთი შემთხვევა არ იყო დადასტურებული.

თუმცა, 6 მაისს, ერთდროულად სამი ფაქტი დარეგისტრირდა.

მთავარი სანიტარული ექიმის, მარიანა კოჩიევას ინფორმაციით, თავიდან ვირუსი საპენსიო ასაკის მამაკაცს დაუდასტურდა, რომელიც სამხრეთ ოსეთში ჯერ კიდევ 20 აპრილს დაბრუნდა და ამ დროის განმავლობაში, საავადმყოფოში, კარანტინში იმყოფებოდა.

• კორონავირუსი სამხრეთ ოსეთში: ექიმის ბუნტი, ნიღბებისა და ტესტების დეფიციტი – და ეჭვები თბილისის მიმართ
• როგორ ცხოვრობს ცხინვალი კორონავირუსის პანდემიის დროს. ვიდეო
• კორონავირუსი ჩრდილოეთ კავკასიაში: უკმაყოფილება ხელისუფლების მისამართით იზრდება

გუშინ მას ტემპერატურამ აუწია, ტესტმა კი დადებითი პასუხი აჩვენა.

ერთდროულად გამოვლინდა ინფიცირების კიდევ ორი შემთხვევა. სამხრეთ ოსეთის ეს ორი მცხოვრები 5 მაისს, ვლადიკავკაზიდან ჩამოვიდნენ. მათ ტესტირება წამოსვლამდე გაიარეს, მაგრამ პასუხები მხოლოდ ახლა მოვიდა.

ერთ-ერთი ინფიცირებული – ვლადიკავკაზში მდებარე სუვოროვის სახელობის სამხედრო სასწავლებლის აღსაზრდელია.

ინფიცირებულთა ყველა კონტაქტი ცნობილია და ისინი იზოლირებული არიან, მათ შორის, ექიმები. მათი ტესტირების პასუხები ჯერჯერობით უცნობია.

სამხრეთ ოსეთის მცხოვრებლები რუსეთიდან ორგანიზებულ ჯგუფებად, სპეციალური ავტოტრანსპორტით ბრუნდებიან, რომელიც რესპუბლიკის ხელმძღვანელობამ გამოყო და მათ ჩამოსვლისთანავე, კარანტინში ათავსებენ.

2020 წლის მარტის ბოლოდან, სამხრეთ ოსეთში, დაკეტილია ყველა სასწავლო დაწესებულება და ბევრი ბიზნესი. 5 აპრილიდან, სრულად ჩაიკეტა საზღვრები რუსეთისა და საქართველოს მიმართულებით.

სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო