კორონავირუსი კავკასიაში. სომხეთი, პრემიერი: "წესების დაცვა - ყველაზე დიდი პრობლემაა"

სომხეთში, ეპიდემიის დაწყებიდან სულ 258 ადამიანი გარდაიცვალა.

დღე-ღამეში 612 ახალი შემთხვევა დაფიქსირდა, სულ, ეპიდემიის დაწყებიდან დაინფიცირდა 15 281 ადამიანი, მათ შორის, გამოჯანმრთელდა 5 639.

ოთხივე ინფიცირებული მედიკოსი, თბილისის რესპუბლიკური საავადმყოფოს თანამშრომელია.

საქართველოში, ეპიდემიის დაწყებიდან, სულ 837 ადამიანი დაინფიცირდა, მათგან 697 გამოჯანმრთელდა.

ეპიდემიის დაწყებიდან, საქართველოში, 13 პაციენტი გარდაიცვალა.

საქართველოში, პანდემიის გამო დაწესებული საკარანტინო შეზღუდვების მოხსნა 27 აპრილიდან დაიწყო. 15 ივნისიდან, ქვეყანა შიდა ტურიზმის განახლებას გეგმავს, 1 ივლისიდან კი საზღვრების გახსნასა და უცხოელი ტურისტების მიღებას.

სომხეთში, ეპიდემიის დაწყებიდან სულ 245 ადამიანი გარდაიცვალა.

დღე-ღამეში 566 ახალი შემთხვევა დაფიქსირდა, სულ, ეპიდემიის დაწყებიდან დაინფიცირდა 14 669 ადამიანი, მათ შორის, გამოჯანმრთელდა 5 466.

ჯანდაცვის მინისტრმა არსენ ტოროსიანმა Facebook-ის საკუთარ გვერდზე ბოდიში მოიხადა და განაცხადა, რომ „შესაძლოა, სხვადასხვა სიტუაციებში, სხვადასხვა გადაწყვეტილებების მიღებისას, ჩვენ დავიგვიანეთ“.

მან ეს იმით ახსნა, რომ COVID-19 ახალი დაავადებაა და ამ დრომდე, სამედიცინო სფეროს წარმომადგენლებისთვის პასუხგაუცემელი კითხვები არსებობს, მათ შორის:

„რამდენად დიდხანს გრძელდება ინკუბაციის პერიოდი?

ვირუსის უსიმპტომო მატარებლები ავრცელებენ თუ არა ინფექციას?

ხელს უწყობს თუ არა ნიღბის ტარება ინფექციის გავრცელების შეფერხებას

ახდენს თუ არა ტემპერატურა გავლენას ვირუსზე?

ჩვენ ყველა პრობლემა უნდა გადავლახოთ და ხალხის წინაშე მაქსიმალურად გულწრფელები უნდა ვიყოთ“.

სომხეთში, ერთი დღე-ღამის განმავლობაში, კორონავირუსით ინფიცირების 428 და გარდაცვალების 10 ფაქტი დაფიქსირდა.

სულ, პანდემიის დაწყებიდან, სომხეთში, 227 ადამიანი დაიღუპა.

დაინფიცირდა 14 103, მათგან 5 226 გამოჯანმრთელდა.

ერთი დღის განმავლობაში, საავადმყოფოდან გაწერილ პაციენტთა დიდი რიცხვი დაკავშირებულია იმასთან, რომ 10 ივნისს, თვითიზოლაციის რეჟიმი დასრულდა COVID-19-ით ინფიცირებული უსიმპტომო პაციენტებისთვის.

სომხეთში, საგანგებო მდგომარეობის რეჟიმის ვადა 13 ივნისს იწურება, მაგრამ ვრცელდება ინფორმაცია, რომ თარიღი გადაიწევს.

სომხეთმა საქართველოსგან დახმარება მიიღო – სამედიცინო აღჭურვილობა კორონავირუსთან საბრძოლველად

ჟურნალისტმა დემის პოლანდოვმა ტელეგრამ-არხზე „Адыгэ Хэку – черкесский канал“ ასეთი ანგარიში გამოაქვეყნა (შემოკლებული ვერსია):

„ყარაჩაი-ჩერქეზეთს ალმური ასდის. საბრალო ადამიანები დახეტიალობენ თავიანთ ავადმყოფ ნათესავებთან ერთად და ცდილობენ მათ საავადმყოფოებში შეტენვას, მაგრამ ეს პრაქტიკულად შეუძლებელია – ადგილები არ არის, ექიმებიც, ფაქტობრივად, აღარ დარჩნენ.

ასაკოვან ადამიანებს მარტო კრძალავენ და ნათესავებს შემდეგ ატყობინებენ. ვინც კავკასიურ კულტურაში გაიზარდა, იცის, რომ მოხუცებისათვის ეს საშინელი დარტყმაა. ვინ მივა მათ დაკრძალვაზე, როგორ ქსოვილში გაახვევენ – ამაზე ფიქრში ატარებენ ისინი დღეებს. აქ კი მათ მხოლოდ ისღა რჩება, რომ უიმედოდ განაცხადონ: „მხოლოდ შავ პლასტიკურ ტომარაში არა“…

ადამიანებს კვირების განმავლობაში აქვთ სიცხე, ტემპერატურის დაგდებას ვერ ახერხებენ. მთელი ოჯახები არიან ავად, საჭმლის გამკეთებელიც კი აღარავინაა. ავად არიან ქალაქებში, კორონამ აულებამდეც მიაღწია.

ხდება ისეც, რომ ახალგაზრდები იღუპებიან, რადგან მათ საავადმყოფოებში არ იღებენ. მოსკოველი გურუები ხომ მათ „მსუბუქ ფორმებს“ დაჰპირდნენ. და კოვიდდიაგნოზი დადასტურებული არ აქვთ, ყველაზე ხშირად იმიტომ, რომ ათი დღის განმავლობაში ელოდებიან შედეგებს.

აი, მიიტანეს შავ პაკეტში გახვეული ახალგაზრდა ქალი, დედა ასე დაკრძალეს. გარდაცვალების საბუთში კი ჩაწერეს – ჰიპერტენზია. თუკი ჰიპერტენზია იყო, რატომ აჩერებდნენ მას ინფექციურ საავადმყოფოში, კოვიდპაციენტებთან ერთად? და ხელოვნური სუნთქვის აპარატზე რატომ ჰყავდათ? დედა, ვერც კი დაემშვიდობა (…)

დღეს, უჩკეკენში, ადამიანები ქუჩებში გამოვიდნენ. ადამიანები სასოწარკვეთილები არიან, ისინი უბრალოდ მიაგდეს“.

ოფიციალური სტატისტიკით, ყარაჩაი-ჩერქეზეთში 1 729 ადამიანი დაინფიცირდა, მათგან 9 პაციენტი გარდაიცვალა.

თუმცა, ექიმები და აქტივისტები სოციალურ ქსელებში ამტკიცებენ, რომ მაჩვენებლები რამდენჯერმე არის შემცირებული და სინამდვილეში, საუბარია ათასობით ინფიცირებულსა და ასობით გარდაცვლილზე.

ყარაჩაი-ჩერქეზეთი – ჩრდილოეთ კავკასიის ყველაზე პატარა რესპუბლიკაა, აქ 500 ათასზე ნაკლები ადამიანი ცხოვრობს.

• კორონავირუსის უცნაური სტატისტიკა რუსეთში: კარგი მედიცინა თუ პუტინის ხელისუფლებაში დარჩენის სურვილი?

აზერბაიჯანის 800-ზე მეტი მოქალაქე რუსეთ-აზერბაიჯანის დაკეტილ საზღვართან დაღესტანში ისევ ელოდება,   თუ როდის მისცემენ სამშობლოში დაბრუნების უფლებას. ისინი ცუდ პირობებს, ანტისანიტარიასა და სხვა პრობლემებს უჩივიან; რამდენიმე ათეულმა ადამიანმა შიმშილობაც კი გამოცხადა, – იუწყება „კავკაზსკი უზელი“.

აზერბაიჯანს პერიოდულად დაახლოებით 100 ადამიანი გაჰყავს, თუმცა ეს პრობლემას ვერ წყვეტს.

13 ადამიანს კორონავირუსი აქვს გამოვლენილი, ისინი საავადმყოფოში მოათავსეს, და განმეორებითი ანალიზების პასუხებს ელოდებიან.

• დაღესტანში ჩარჩენილი აზერბაიჯანელები ძირითადად კარვებში ცხოვრობენ

გასული დღე-ღამის განმავლობაში, აზერბაიჯანში, კორონავირუსით ინფიცირების 315 ახალი შემთხვევა და გარდაცვალების 5 ფაქტი დაფიქსირდა.

სულ, პანდემიის დაწყებიდან, აზერბაიჯანში, 98 პაციენტი დაიღუპა.

დაინფიცირდა 8 191 ადამიანი, მათგან გამოჯანმრთელდა 4 606.

აზერბაიჯანში, შაბათსა და კვირას (6-7 ივნისს) დიდი ქალაქების მცხოვრებლებს ნებისმიერი მიზეზით სახლებიდან გასვლა აეკრძალათ, ყველა მაღაზია და აფთიაქებიც კი დაკეტილი იყო.

• პოლიციის რეიდები, აგრესია და დეპრესია – როგორ ჩაიარა „საკარანტინო უქმეებმა“ აზერბაიჯანში

გასული დღე-ღამის განმავლობაში, სომხეთში, კორონავირუსით ინფიცირების 350 ახალი შემთხვევა და გარდაცვალების 6 ფაქტი დაფიქსირდა.

სულ, პანდემიის დაწყებიდან, სომხეთში, 217 პაციენტი დაიღუპა.

დაინფიცირდა 13 675 ადამიანი, მათგან გამოჯანმრთელდა 4 451.

ჯანდაცვის მინისტრმა, არსენ ტოროსიანმა შეხვედრა გამართა კლინიკების ხელმძღვანელებთან, რომლებიც კორონავირუსით ინფიცირებულ ადამიანებს იღებენ. შემდეგ, მან ჟურნალისტებს განუცხადა, რომ თუკი, თუნდაც შენარჩუნდება ახალი შემთხვევების ახლანდელი მაღალი მაჩვენებელი – სომხეთში, უკვე აღარ არის რისკი, რომ ავადმყოფები სამედიცინო დახმარების გარეშე დარჩებიან. უახლოეს პერიოდში, ასეთი პაციენტების მიღებას ქვეყნის სხვადასხვა ნაწილში, კიდევ რამდენიმე კლინიკა დაიწყებს.

• რატომ აღმოჩნდა სომხეთი რეგიონული ლიდერი ინფიცირებულთა რიცხვით?

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა