კორონავირუსი: კადიროვი დაინფიცირდა; ცხინვალში კურსანტები იზოლაციიდან გაიქცნენ

ჩეჩნეთის პრეზიდენტი რამზან კადიროვი, კორონავირუსით სავარაუდო ინფიცირების გამო, მოსკოვში ექიმების მეთვალყურეობის ქვეშ იმყოფება. ამის შესახებ რუსული გამოცემა “ნოვაია გაზეტა” სააგენტო ინტერფაქსზე და ტელეგრამ-არხებზე დაყრდნობით იუწყება.

ამავდროულად, ანონიმური ტელეგრამ-არხები ირწმუნებიან, რომ ჩეჩნეთის მეთაურის მდგომარეობა სერიოზულია.

”ჩეჩნეთის პრეზიდენტს ფილტვების 70%-ის დაზიანება აქვს, ამას ექიმები ანონიმურად ამბობენ. უპრეცედენტო მღელვარებაა მოსკოვის ცენტრალური კლინიკური საავადმყოფოს სპეციალურ განყოფილებაში, სადაც ყველაზე მაღალი სტატუსის მქონე კორონავირუსით დაავადებულები მოჰყავთ. იმ თანამდებობის პირებს, რომელთა სწრაფად გამოწერა შეიძლება, კლინიკიდან სწრაფად უშვებენ, სხვები სასწრაფოდ სხვა პალატებში გადაჰყავთ, რათა ვიღაც “სუპერსტუმრისთვის” დიდი “დახურული სივრცე” გაათავისუფლონ. გაძლიერდა უსაფრთხოების ზომები, ყველაფერი გასაიდუმლოებულია,”– წერს ტელეგრამ-არხი Fortanga ORG.

• დეტალურად

ეპიდემიის დაწყებიდან 44 ადამიანი გარდაიცვალა.

დღე-ღამის განმავლობაში, კიდევ 118 ადამიანი დაინფიცირდა.

ეპიდემიის დაწყებიდან, ინფიცირებულთა საერთო რაოდენობამ – 3 749 შეადგინა.

მათგან 2 340 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები აზერბაიჯანში

აზერბაიჯანში, კარანტინი 31 მაისამდე გრძელდება, თუმცა, უკვე მოიხსნა შეზღუდვების დიდი ნაწილი.

ადამიანებს თავისუფლად შეუძლიათ გადაადგილება საკუთარ ქალაქებსა და სოფლებში, მოიხსნა საკარანტინე აკრძალვა თითქმის ყველა სახის ბიზნესზე, მათ შორის, ამუშავდა საპარიკმახეროები, მუზეუმები, ღია პარკები.

გახსნილია ყველა კაფე და რესტორანი, მაგრამ მუშაობენ 8:00-დან 18:00 საათამდე.

მუშაობს ყველა მაღაზია, სავაჭრო ცენტრების გარდა.

ბაქოში მოძრაობს საზოგადოებრივი ტრანსპორტი, მათ შორის, მეტრო.

კვლავინდებურად ჩაკეტილია შესასვლელ-გასასვლელები ბაქოში, სუმგაითში, განჯაში, ლენქორანსა და აფშერონის ნახევარკუნძულზე.

ჩაკეტილია საზღვრები და შეჩერებულია ავიამიმოსვლა.

• აზერბაიჯანში კორონავირუსით დაინფიცირების მეორე ტალღა დაიწყო

ახალგაზრდები რუსეთში სწავლობენ და კორონავირუსის პანდემიის გამო დაბრუნდნენ სახლში. ისინი სამედიცინო ცენტრში იყვნენ იზოლირებულები და იქ სულ მცირე, კიდევ ერთი კვირა უნდა დარჩენილიყვნენ.

თვითმხილველები ჰყვებიან:

“ახალგაზრდა ბიჭები საავადმყოფოსთან იდგნენ და ჩანთებს ავტომობილში აწყობდნენ. მაშინვე ვერ მივხვდით, რომ ისინი თვითნებურად მიდიოდნენ. როდესაც მივხვდით – ისინი უკვე წავიდნენ.”

გაქცეულები პოლიციელებმა იპოვეს და უკან, კარანტინში დააბრუნეს. ამ დროის განმავლობაში, რამდენ ადამიანთან მოასწრეს მათ კონტაქტი, ჯერჯერობით უცნობია.

რუსული სამხედრო სასწავლებლებიდან სამხრეთ ოსეთში სულ 250 კურსანტი დაბრუნდა.

სამხრეთ ოსეთში, კორონავირუსით ინფიცირების 34 შემთხვევაა დადასტურებული. პირველი შემთხვევები 6 მაისს გამოვლინდა.

სამხრეთ ოსეთის მცხოვრებლები რუსეთიდან ორგანიზებულ ჯგუფებად, რესპუბლიკის ხელისუფლების მიერ გამოყოფილი სპეციალური ავტოტრანსპორტით ბრუნდებიან და მაშინვე კარანტინში მიდიან.

2020 წლის მარტის ბოლოდან სამხრეთ ოსეთში ყველა საგანმანათლებლო დაწესებულება და ბევრი კომპანია დაიხურა. 5 აპრილიდან მთლიანად დაიხურა საზღვრებიც.

როგორც შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი ამბობს, აფხაზეთიდან და ცხინვალიდან გადმოყვანილი 80 ადამიანი მკურნალობს თბილისსა და სხვა რეგიონებში.

• კორონავირუსის უცნაური სტატისტიკა რუსეთში: ძალიან კარგი მედიცინა თუ პუტინს ხელისუფლებაში დარჩენა სურს?

ასეთი მოსაზრება კორონავირუსის მონიტორინგის საინფორმაციო ცენტრის ხელმძღვანელმა, ალექსანდრ მიასნიკოვმა youtube-არხის სოლოვიოვ Live-ის ეთერში გამოთქვა.

“ყველა სიმპტომში კორონავირუსი არ უნდა ვეძებოთ. თუკი მართლაც კორონავირუსია – მერე რა? რა თქმა უნდა, უნდა წახვიდე და ანალიზი გაიკეთო, რათა სხვები არ დააავადო. მაგრამ თქვენ ხომ გესმით, რომ ეს ილუზიაა.

თქვენ უბრალოდ ცხოვრობთ. ინფექცია თავისას წაიღებს. ჩვენ მაინც ყველანი დავავადდებით. ვისაც სიკვდილი უწერია – მოკვდება”, – განაცხადა მიასნიკოვმა.

კიდევ სამი გარდაცვლილი სომხეთში.

ეპიდემიის დაწყებიდან 70 ადამიანი გარდაიცვალა.

დღე-ღამის განმავლობაში, კიდევ 335 ადამიანი დაინფიცირდა.

ეპიდემიის დაწყებიდან, ინფიცირებულთა საერთო რაოდენობამ – 5 606 შეადგინა.

მათგან 2 581 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები სომხეთში სომხეთში – საგანგებო მდგომარეობა 13 ივნისამდე გრძელდება. მაგრამ უკვე მოიხსნა გადაადგილებაზე შეზღუდვა და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან მუშაობა დაიწყო საზოგადოებრივმა ტრანსპორტმა. მას დეზინფექცია ჩაუტარდება ხოლმე. ტრანსპორტში, ყველა მგზავრმა ნიღაბი უნდა გაიკეთოს.

• ფაშინიანი: თუკი კორონავირუსის გავრცელების სისწრაფეს ვერ შევცვლით, მალე 20 ათასი ინფიცირებული გვეყოლება

ბოლო 24 საათში საქართველოში covid-19-ის 8 ახალი შემთხვევა გამოვლინდა

21 მაისის მონაცემებით, საქართველოში კორონავირუსით ინფიცირების 721 შემთხვევაა დადასტურებული. 12  გარდაიცვალა.

საქართველოში გამოვლენილი covid-19-ის ბოლო 2 ახალი შემთხვევა სწორედ სატვირთო მანქანების მძოლებს უკავშირდება. ამიტომ ტესტირებას გაივლიან მხოლოდ ის მძღოლები, რომლებიც საქართველოში რჩებიან. მძღოლებს, რომლებიც საქართველოს გავლით რომელიმე სხვა ქვეყანაში მიდიან, კორონავირუსზე ტესტს არ გაუკეთებენ.

“ეს საჭიროა, რათა თავიდან ავიცილოთ რისკი, რადგან ჩვენს ირგვლივ ქვეყნებში, რომლებთანაც ჩვენ სახმელეთო საზღვარი გვაქვს, რუსეთი, სომხეთი, აზერბაიჯანი და თურქეთი, სიტუაცია არასახარბიელოა“, – განაცხადა გამყრელიძემ.

ტესტირების სამიზნე ჯგუფს ფარმაცევტები და სტომატოლოგები დაემატებიან.

• თბილისი კარანტინიდან გამოდის

ჩრდილოეთ ოსეთის ჯანდაცვის მინისტრმა, ტამერლან გოგიჩაევმა ვიდეო გამოაქვეყნა, რომელშიც დაადასტურა, რომ კორონავირუსით დაინფიცირდა. ჯერჯერობით ის თვითიზოლაციაში, საკუთარ სახლში იმყოფება.

გოგიჩაევმა რესპუბლიკის მცხოვრებლებს მიმართა და სთხოვა, გაუფრთხილდნენ ერთმანეთს, თავი აარიდონ საჯარო ადგილებს და გამოიყენონ ინდივიდუალური თავდაცვის საშუალებები.

ოფიციალური ინფორმაციით, ჩრდილოეთ ოსეთში, კორონავირუსით დაინფიცირდა 2 387 ადამიანი, გარდაიცვალა – 22, გამოჯანმრთელდა – 1 164.

• კორონავირუსის უცნაური სტატისტიკა რუსეთში: ძალიან კარგი მედიცინა თუ პუტინს ხელისუფლებაში დარჩენა სურს?

აშშ —1 მილიონ 576 950 ინფიცირებული, 93 858 გარდაიცვალა.

რუსეთი— 308 705 ადამიანი დაინფიცირდა, 2 972 გარდაიცვალა.

ბრაზილია— 275 382 ადამიანი დაინფიცირდა, 18 130 გარდაიცვალა.

დიდი ბრიტანეთი— 248 818 ადამიანი დაინფიცირდა, 35 341 გარდაიცვალა.

_________________________________________________

ლონდონში თითქმის ზაფხულია, პარკებში გასვლა ნებადართულია სოციალური სიდტანციის მკაცრი დაცვით.

. REUTERS/Simon Dawson

ეპიდემიის დაწყებიდან 43 ადამიანი გარდაიცვალა.

დღე-ღამის განმავლობაში, კიდევ 113 ადამიანი დაინფიცირდა.

ეპიდემიის დაწყებიდან, ინფიცირებულთა საერთო რაოდენობამ – 3 631 შეადგინა.

მათგან 2 253 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები აზერბაიჯანში

აზერბაიჯანში, კარანტინი 31 მაისამდე გრძელდება, თუმცა, უკვე მოიხსნა შეზღუდვების დიდი ნაწილი.

ადამიანებს თავისუფლად შეუძლიათ გადაადგილება საკუთარ ქალაქებსა და სოფლებში, მოიხსნა საკარანტინე აკრძალვა თითქმის ყველა სახის ბიზნესზე, მათ შორის, ამუშავდა საპარიკმახეროები, მუზეუმები, ღია პარკები.

გახსნილია ყველა კაფე და რესტორანი, მაგრამ მუშაობენ 8:00-დან 18:00 საათამდე.

მუშაობს ყველა მაღაზია, სავაჭრო ცენტრების გარდა.

ბაქოში მოძრაობს საზოგადოებრივი ტრანსპორტი, მათ შორის, მეტრო.

კვლავინდებურად ჩაკეტილია შესასვლელ-გასასვლელები ბაქოში, სუმგაითში, განჯაში, ლენქორანსა და აფშერონის ნახევარკუნძულზე.

ჩაკეტილია საზღვრები და შეჩერებულია ავიამიმოსვლა.

• აზერბაიჯანში, ნებართვის მიღება სანაპიროზე წასასვლელად

სომხეთში, გასული დღე-ღამის განმავლობაში, 3 ადამიანი გარდაიცვალა და ინფიცირების 230 ახალი შემთხვევა გამოვლინდა.

სულ, ეპიდემიის დაწყებიდან, 67 პაციენტი გარდაიცვალა.

დაინფიცირდა 5 271 ადამიანი, მათგან 2 419 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები სომხეთში სომხეთში, საგანგებო მდგომარეობა

13 ივნისამდე გრძელდება. მაგრამ უკვე მოიხსნა გადაადგილებაზე შეზღუდვა და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან მუშაობა დაიწყო საზოგადოებრივმა ტრანსპორტმა. მას დეზინფექცია ჩაუტარდება ხოლმე. ტრანსპორტში, ყველა მგზავრმა ნიღაბი უნდა გაიკეთოს.

• ერევანი, კორონავირუსით დაინფიცირებულთა რაოდენობის მიუხედავად, ჩვეულებრივ ცხოვრებას უბრუნდება

20 მაისის მონაცემებით, საქართველოში კორონავირუსით ინფიცირების 713 შემთხვევაა დადასტურებული. კარანტინის რეჟიმშია 3914 ადამიანი, ხოლო სტაციონარში მეთვალყურეობის ქვეშ – 340 პირი. კორონავირუსით ინფიცირებულთაგან 475 გამოჯანმრთელდა და 12  გარდაიცვალა.

• საჩხერის საავადმყოფოდან გაწერილ, გამოჯანმრთელებულ მამაკაცს რამდენიმე დღეში covid-19 ისევ დაუდასტურდა

რუსეთის პრეზიდენტის, ვლადიმირ პუტინის გადაწყვეტილებით, დაღესტანში გაიგზავნა სამხედრო და სამოქალაქო სპეციალისტთა ჯგუფები, რომლებიც რესპუბლიკაში, ყველა ობიექტს, მასობრივ დეზინფექციას ჩაუტარებენ. ასევე, განაცხადეს, რომ ისინი დაღესტანში ახალ, მინიმუმ 200-ადგილიან სამედიცინო ცენტრს ააშენებენ.

რეანიმაციაში, მძიმე მდგომარეობაშია ჩრდილოეთ კავკასიის მუსლიმთა საკოორდინაციო ცენტრის ხელმძღვანელი, ყარაჩაი-ჩერქეზეთის მუფთი, ისმაილ ბერდიევი.

ოფიციალური ინფორმაციით, დაღესტანში, კორონავირუსის 3 553 შემთხვევაა დადასტურებული, მათგან 32 პაციენტი გარდაიცვალა.

დაადასტურდა, რომ ეპიდემიის დაწყებიდან, 700-ზე მეტი ადამიანი დაიღუპა პნევმონიით და თითქმის 15 ათასი მოქალაქე ამ დიაგნოზით საავადმყოფოში იმყოფება.

• კორონავირუსის უცნაური სტატისტიკა რუსეთში: ძალიან კარგი მედიცინა თუ პუტინს ხელისუფლებაში დარჩენა სურს?

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა