აფხაზეთში მილიციელებმა თავიანთ უფროსს სცემეს და შს მინისტრის მოადგილეს დაუპირისპირდნენ

ორი ჩხუბი, რომლებშიც აფხაზეთის გაგრის რაიონის მილიციის განყოფილების თანამშრომლებმა თავიანთ უფროსს სცემეს, მერე კი შინაგან საქმეთა მინისტრის მოადგილეს დაუპირისპირდნენ, შიდა გამოძიების და სოციალურ ქსელებში ხუმრობებისა და მემების მიზეზი გახდა.

როგორ Telegram არხებზე წერენ, თავიანთ უფროსთან, დმიტრი აჯიბასთან ჩხუბის შემდეგ, განყოფილების თანამშრომლები სასაუბროდ შინაგან საქმეთა მინისტრის მოადგილემ, რაშა ცვიჟბამ დაიბარა. გაგრელმა მილიციელებმა ბრალის აღიარებაზე უარი თქვეს, რითაც წონასწორობიდან გამოიყვანეს მინისტრის მოადგილე და მან თანამშრომლების აღზრდა მუშტებით დაიწყო.

საქმე ახალი ჩხუბით დასრულდა.

სამინისტროს პრესსამსახურის ცნობით, ორი ჩხუბის ფაქტზე, თანამშრომელთა ნაწილი გამოძიების დასრულებამდე სამუშაოს ჩამოაშორეს.

სოციალურ ქსელებში, მომხდარის შესახებ ხუმრობენ, მაგრამ, გარკვეულწილად, დეპრესიული გრძნობებით:

„დამნაშავეებო, გეშინოდეთ ჩვენი მილიციის“.

„მილიციონერები ხან ჩხუბობენ, ხან ბიზნესს მფარველობენ, ხან კი მათ ნარკოტიკებით ხელში იჭერენ. ვფიქრობდი, რომ ახალი ხელისუფლების პირობებში სინათლეს დავინახავდით, მაგრამ სულ უფრო და უფრო ბნელდება“.

„საყოფაცხოვრებო კონფლიქტში შევიდნენ“, – აცხადებს პრესსამსახური. საყოფაცხოვრებო კონფლიქტი – ეს არის, როდესაც ცოლი და ქმარი სახლში არკვევს ურთიერთობას. აქ კი, სამუშაო დროს, მოვალეობის შესრულების ას და ისიც, სახელმწიფო დაწესებულებაში მოხდა ყველაფერი“.

„ეს მილიციის რიგების გასუფთავების კრეატიული მეთოდია“.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად.

ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო