ტრამპმა იერუსალიმი ისრაელის დედაქალაქად აღიარა

ტრამპის მიერ იერუსალიმის ისრაელის დედაქალაქად შესაძლო ცნობის შესახებ მსოფლიოს ბევრმა ლიდერმა გამოთქვა აზრი; მაგალითად, საფრანგეთის პრეზიდენტმა ემანუელ მაკრონიმ აღნიშნა, რომ ტრამპის ამგვარი გადაწყვეტილება დიდი შეცდომა იქნება და მას სერიოზული შედეგი მოჰყვება. იგივე პოზიციას იზიარებს თურქეთიც.

1995 წლიდან მოყოლებული, ამერიკის პრეზიდენტები ყოველ 6 თვეში ერთხელ ხელახლა ახანგრძლივებდნენ გადაწყვეტილებას, რომლის თანახმად ისრაელში აშშ-ის საელჩოს შენობა განთავსებული იყო თელ-ავივში და არა ისრაელის ოფიციალურ დედაქალაქში – იერუსალიმში.  ამით აშშ იზიარებდა მსოფლიო თანამეგობრობის დიდი ნაწილის პოზიციას, რაც იერუსალიმის ისრაელის დედაქალაქად არაღიარებაში მდგომარეობდა.

იერუსალიმის კუთვნილება – ერთ-ერთი მთავარი საკითხია, რაზეც ისრაელი და პალესტინა ვერ თანხმდებიან. იერუსალიმი არის მთავარი მიზეზი, რომლის გამოც, ამ ორ ქვეყანას შორის დაძაბულობა არ კლებულობს. ეს კონფლიქტი 1967 წლიდან გრძელდება, როდესაც ისრაელმა თავის კონტროლქვეშ მოაქცია იერუსალიმის აღმოსავლეთი ნაწილი, რომელსაც მანამდე პალესტინა აკონტროლებდა.

გაერო იერუსალიმის აღმოსავლეთ ნაწილს ოკუპირებულ ტერიტორიად მიიჩნევს და მას ისრაელის დედაქალაქად არ ცნობს.