კორონავირუსის მესამე შემთხვევა საქართველოში. ინფიცირებული ირანიდან შემოვიდა
საქართველოში ახალი კორონავირუსის მესამე შემთხვევა დადასტურდა.
ინფიცირებულია საქართველოს მოქალაქეა, რომელიც ირანიდან შემოვიდა.
• როგორ უნდა დავიცვათ თავი კორონავირუსისგან. 2-წუთიანი ვიდეო
• კორონავირუსი საქართველოშია. რა ელის ქართულ ეკონომიკას?
• იტალია, ირანი და კორონავირუსის გავრცელების სხვა ცენტრები – რიცხვები, ანალიზი და პროგნოზი
როგორც დაავადებათა კონტროლის ცენტის ხელმძღვანელი ამირან გამყრელიძე ამბობს, ამ ადამიანს უდასტურდება კონტაქტი პირველ დადასტურებულ შემთხვევასთან.
“ერთად იმყოფებოდნენ ირანში. შემოვიდა სახმელეთო გზით აზერბაიჯანის გავლით, 28 თებერვალს. ჰქონდა სიცხე 38 გრადუსი”, – განაცხადა ამირან გამყრელიძემ, რომლის თქმითაც, დაავადებულის მდგომარეობა ამჟამად დამაკმაყოფილებელია.
იგი თბილისის ინფექციურ საავადმყოფოში გუშინ გადაიყვანეს.
საქართველოში ჯამში სულ 93 ადამიანს ჩაუტარდა ტესტირება. მათგან მხოლოდ სამს დაუდასტურდა კორონავირუსი.
ჯანდაცვის მინისტრის ინფორმაციით, ამ ეტაპზე სულ ქვეყანაში კარანტინში 170 ადამიანი იმყოფება.
დღეს პრემიერის მიერ ინიცირებული უწყებათაშორისი საკოორდინაციო საბჭო შეიკრიბა. ამ საბჭოს მიზანი კორონავირუსთან ბრძოლა და პრევენციაა.
სხდომაზე გადაწყდა, რომ:
• პროფილაქტიკის მიზნით, საქართველოში სკოლის შენობებში სადეზინფექციო სამუშაოები უნდა ჩატარდეს.
• საგაზაფხულო არდადეგები 9 მარტის ნაცვლად 2 მარტს დაიწყება და 16 მარტამდე გაგრძელდება.
• სადეზინფექციო სამუშაოები ჩატარდება საზოგადოებრივ ტრანსპორტში და საბავშვო ბაღებში.