ამირან გამყრელიძე: ვირუსი უკან არ იხევს, გავიჭირვოთ კიდევ ერთი წელი

ვირუსული ინფექცია უკან არ იხევს, ჯერ არაა ვაქცინა, ერთადერთ იარაღად პრევენციული ღონისძიებები რჩება. გავიჭირვოთ კიდევ დაახლოებით ერთი წელი – განაცხადა დაავადებათა კონტროლის ეროვნული ცენტრის დირექტორმა, ამირან გამყრელიძემ.

მან მოსახლეობას ხუთი მთავარი პრევენციული ღონისძიების დაცვისკენ მოუწოდა:

●  ვატაროთ პირბადე;

● 1.5-2 მეტრიანი დისტანციის დაცვა;

● ხელების ხშირი დაბანა და ზოგადი სანიტარული წესების დაცვა;

● მცირე შეკრებები, მაქსიმუმ 6-10 ადამიანი;

● თავის არიდება ყოველგვარი დიდი თავყრილობებისგან.

“ყველა ეპიდაფეთქვება, რაც გვქონდა, დიდი შეკრებებისა თუ დღესასწაულების გამოძახილი იყო, რომელიც გვქონდა სხვადასხვა რეგიონში“, – განაცხადა ამირან გამყრელიძემ.

● გიორგი გახარია თვითიზოლაციაში გადავიდა

● კორონავირუსით ინფიცირებული 15 წლის მოზარდი გარდაიცვალა

● გიორგი გახარია: საქართველოს მასშტაბით ლოქდაუნი არ და ვერ იქნება

დღეისათვის სულ დადასტურებულია კორონავირუსის 42579 შემთხვევა.
აქედან:
გარდაცვლილი –  342
აქტიური შემთხვევა (ანუ ახლა არიან ავად) – 15437
გამოჯანმრთელებული – 26800