საქართველოში კორონავირუსის 472 შემთხვევა დაფიქსირდა. გარდაიცვალა 3 ადამიანი

საქართველოში, ბოლო 24 საათში, კორონავირუსი კიდევ 472 პირს დაუდასტურდა და ჯამში ინფიცირებულთა რაოდენობა 10225-ს შეადგენს.

გარდაიცვალა 3 პაციენტი. დღეის მდგომარეობით გარდაცვლილთა რაოდენობა 66-ია.

კორონავირუსის 472 ახალი შემთხვევიდან 230 აჭარაში, 134 კი თბილისში დაფიქსირდა. იმერეთში 68 ახალი პაციენტია, სამცხე -ჯავახეთში, ქვემო ქართლსა და სამეგრელო- ზემო სვანეთში 8-8 შემთხვევაა, შიდა ქართლში 6, ხოლო კახეთსა და მცხეთა- მთიანეთში 5-5- ახალი პაციენტია.

ინფექციური საავადმყოფოს კლინიკური დირექტორის, მარინა ენდელაძის განცხადებით, თბილისი ახალი შემთხვევების კუთხით საყურადღებოა, რადგან საერთო ინფიცირებულებში 22%-დან 28%-მდე მოიმატა კორონავირუსის ახალი დადასტურებული შემთხვევების მაჩვენებელმა.