კორონავირუსით 68 წლის კაცი გარდაიცვალა საქართველოში
ის ე.წ. ბოლნისის კლასტერიდან იყო.
22 აპრილის მონაცემებით, საქართველოში კორონავირუსით ინფიცირების 411 შემთხვევაა დადასტურებული. კარანტინის რეჟიმშია 5015 ადამიანი, ხოლო სტაციონარში მეთვალყურეობის ქვეშ – 573 პირი. კორონავირუსით ინფიცირებულთაგან 97 გამოჯანმრთელდა და 5 გარდაიცვალა.
მამაკაცს პირველ საუნივერსიტეტო კლინიკაში მკურნალობდნენ.
ის საავადმყოფოში სუნთქვის მწვავე უკმარისობით შეიყვანეს და მთელი ამ ხნის განმავლობაში მართვით სუნთქვაზე იმყოფებოდა.
მამაკაცს ორმხრივ პნევმონიასთან ერთად ქრონიკული დაავადებებიც ჰქონდა და გადატანილი ჰქონდა ინფარქტი.
- კორონავირუსი და ბოლო ჟამის ეკლესია. საუბარი გია ნოდიასთან და ბექა მინდიაშვილთან
- “ვართ მე და ჩემი ბერიკაცი, ხან ნარდს ვთამაშობთ, ხან კარტს,” – როგორ ცხოვრობენ ხანდაზმულები იზოლაციაში
- პატრიარქი: სიცოცხლეც და გარდაცვალებაც უფლის ხელშია
ეს საქართველოში კორონავირუსით გარდაცვალების მე-5 შემთხვევა.
კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
