ხანძარი მესტიაში - მეხანძრეები ტყეში გაჩენილ ცეცხლს მესამე დღეა ვერ აქრობენ

მესტიის მუნიციპალიტეტში, სოფელ ხაიშთან, ტყის ფერდობზე გაჩენილი ხანძრის ჩაქრობა მესამე დღეა ისევ ვერ ხერხდება. მდგომარეობას ქარი, ძლიერი სიცხე და რელიეფი ართულებს. ცეცხლის სალიკვიდაციო სამუშაოებში 3 ვერტმფრენი, 7 სახანძრო მანქანა  და 110 მეხანძრე-მაშველი მონაწილეობს.

მეხანძრე-მაშველთა ჯგუფები ხანძრის კერებთან მთელი ღამის განმავლობაში მუშაობდნენ.