ბოლნისის მუნიციპალიტეტის სამი სოფელი ჩაიკეტა
covid-19-ის 19 ახალი შემთხვევის გამოვლენის გამო ბოლნისის მუნიციპალიტეტის სოფლებში – ვანათში, ხატისოფელსა და მუშევანში კარანტინი გამოცხადდა.
25 აპრილის მონაცემებით, საქართველოში კორონავირუსით ინფიცირების 456 შემთხვევაა დადასტურებული. კარანტინის რეჟიმშია 4949 ადამიანი, ხოლო სტაციონარში მეთვალყურეობის ქვეშ – 555 პირი. კორონავირუსით ინფიცირებულთაგან 132 გამოჯანმრთელდა და 5 გარდაიცვალა.
ბოლნისის მუნიციპალიტეტში ამ დროისთვის კორონავირუსით 80 ადამიანია ინფიცირებული. მათგან 4 გამოჯანმრთელდა, ხოლო 2 გარდაიცვალა.
ბოლნისის მუნიციპალიტეტის მერიის განცხადებით, ვანათის, ხატისოფელისა და მუშევანის ჩაკეტვის გადაწყვეტილება მერიამ კორონავირუსის მასშტაბური გავრცელების პრევენციის მიზნით მიიღო.
- მთავრობის ანტიკრიზისული გეგმა – ვინ რა დახმარებას მიიღებს
- ვის და რა შემთხვევაში შეუძლია მანქანით გადაადგილება – გამონაკლისების სია
- ბრძოლა COVID-19-თან საქართველოში: “სიბნელეში ხელის ცეცებით”. საუბარი ზურაბ ჭიაბერაშვილთან
სოფლების შესასვლელებთან მოეწყო ბლოკპოსტები, რომლებსაც ძალოვნები აკონტროლებენ.
ვანათის, ხატისოფლისა და მუშევანის გარდა, ბოლნისის მუნიციპალიტეტში მკაცრ საკარანტინო ზონად უკვე გამოცხადებულია ქალაქი ბოლნისი და სოფლები: რაჭისუბანი, ქვემო ბოლნისი, სავანეთი, ბალიჭი და დაბა კაზრეთი.
კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.