აფხაზეთში უზბეკეთიდან ჩამოსული შრომითი მიგრანტები სამშობლოში გაშვებას ითხოვენ

აფხაზეთში, უზბეკეთიდან ჩამოსული შრომითი მიგრანტები მართავენ აქციას. პანდემიის გამო, ისინი აფხაზეთში ჩარჩნენ და სახლში დაბრუნებას ვერ ახერხებენ. 

ეს, აფხაზეთში მომუშავე ამ ცენტრალური აზიის რესპუბლიკის წარმომადგენლების პირველი აქცია არ არის.

რუსეთთან, „ფსოუს“ საკონტროლო-გამშვებ პუნქტზე, ასზე მეტმა შრომითმა მიგრანტმა გამართა აქცია და რუსეთისა და უზბეკეთის ხელისუფლებებს მოსთხოვეს, გადაჭრას მათი სამშობლოში დაბრუნების საკითხი.

მას შემდეგ, რაც პანდემიის გამო საზღვრები ჩაიკეტა და ყველანაირი ავია და სარკინიგზო მიმოსვლა შეწყდა, დაახლოებით ორი ათასი უზბეკი დარჩა აფხაზეთში და ვერ ახერხებს ტერიტორიის დატოვებას.

ანტიკრიზისული სოფლის მეურნეობა: ორი ამბავი აფხაზეთიდან

ამა წლის მარტის ბოლოდან პირველ აგვისტომდე, რუსეთ-აფხაზეთის “საზღვარი” ყველასთვის ჩაკეტილი იყო. ზაფხულის ბოლო თვეს, ამ საზღვრის გადაკვეთაზე შეზღუდვები მოიხსნა, თუმცა, ლიბერალიზაცია მხოლოდ აფხაზეთისა და რუსეთის მოქალაქეებს შეეხოთ. სხვა ქვეყნების წარმომადგენლებს, ეს შემსუბუქება ამ დრომდე არ შეხებიათ.

აფხაზეთის ხელისუფლება არ ქმნის რაიმე დაბრკოლებას ქვეყნიდან უზბეკეთის მოქალაქეების გასვლისათვის. თუმცა, მათ საკუთარ ტერიტორიაზე შეშვების უფლებას რუსეთი არ აძლევს და ოფიციალური ტაშკენტიც არ ჩქარობს აფხაზეთში, დროებით მცხოვრები მისი მოქალაქეებისთვის სატრანზიტო დერეფნის რუსეთის ტერიტორიის გავლით გახსნაზე მოსკოვთან მოლაპარაკებას.

ამ დროს, უზბეკი მუშები ჩივიან, რომ პანდემიის გამო, მათი ეკონომიკური მდგომარეობა აფხაზეთში მნიშვნელოვნად გაუარესდა, რის გამოც, ბევრმა მათგანმა სამუშაო დაკარგა და ახლა აღარაფერი აქვთ, რითაც იცხოვრებენ.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო