სკანდალი 10 წლის ბავშვის ირგვლივ აზერბაიჯანში

10 წლის ნურაი ბაირამოვას თვისთან წაყვანას მისი მამა ცდილობს, მაგრამ გოგონას გარდაცვლილი დედის ნათესავები მის აღზრდაზე თავიანთ უფლებებს არ თმობენ.

ეს ისტორია მას შემდეგ მოექცა ქვეყნის ყურადღების ცენტრში, რაც ინტერნეტში გაჩნდა ვიდეო, სადაც ნურაი სასამართლო დარბაზიდან გაჰყავთ, რომ მამას გაატანონ. გოგონა თავის დაღწევას ცდილობს, ისტერიკულად ყვირის და დეიდას ებღაუჭება.

ნურაის დედა 2010 წლსი ოქტომბერში კიბოთი გარდაიცვალა. იმ მომენტისთვის ის გოგონას მამასთან, ავაზ ბაირამოვთან,  უკვე სამი წლის დაშორებული იყო. ნურაი თავის დეიდასთან ცხოვრობდა, მეჰრიბან ელდაროვასთან, რომელმაც  გოგონას აპეკუნობა გააფორმა.

ნურაიმ დედისგან მემკვიდრეობით მიიღო ბინა, რომელიც ასევე მოექცა დედის ნათესავების აპეკუნობის ქვეშ. ელდაროვები ბინის გაყიდვას აპირებდნენ, გოგონას დედის გადასარჩენად გაწეული ხარჯები რომ აენაზღაურებინათ.

2011 წელს ბაირამოვმა სასამართლოში შეიტანა სარჩელი აპეკუნობის გასაუქმებლად და შვილის თავისთან წასაყვანად. 2012 წელს სასამართლომ დააკმაყოფილა მისი სარჩელი. 2016 წლის ბოლომდე  განიხილებოდა ელდაროვების რამდენიმე აპელაცია, თუმცა – უშედეგოდ. სასამართლოს თავდაპირველი გადაწყვეტილება ძალაში დარჩა. გოგონა მამამ უნდა აღზარდოს.

პოლიციელებთან სკანდალის შემდეგ, საბოლოოდ გოგონა დროებით მაინც დატოვეს დედის ნათესავებთან საცხოვრებლად. აზერბაიჯანის ქალთა და ბავშვთა კომიტეტმა თავის მხრივ ასევე შეისწავლა ეს საქმე და დაასკვნა, რომ ნურაიმ ფსიქოლოგიური ტრავმა მიიღო და ამჯერად მისი მამასთან გადასვლა არ შეიძლება, რადგან ეს ბავშვის ინტერესების საწინააღმდეგო იქნება.

გოგონას დეიდამ ისევ სასამართლო პროცესი წამოიწყო ბავშვის მამისთვის მშობლის უფლებების ჩამოსართმევად. მისი ძირითადი არგუმენტია, რომ ავაზ ბაირამოვი შვილით არ დაინტერესებულა, და არც მის დედას ეხმარებოდა დაშორების შემდეგ ქალის სიკვდილამდე.

იუსტიციის სამინისტრომ ინციდენტის შიდა გამოძიება დაიწყო.