საერთაშორისო გამოძიების შედეგების მიუხედავად, რუსეთი ქიმიური იარაღის გამოყენებაში საკუთარ ბრალეულობას უარყოფს " />

რა ნივთიერებით მოწამლეს სერგეი სკრიპალი? გამოძიების შედეგები ცნობილია

საერთაშორისო გამოძიების შედეგების მიუხედავად, რუსეთი ქიმიური იარაღის გამოყენებაში საკუთარ ბრალეულობას უარყოფს

12 აპრილს ქიმიური იარაღის ამკრძალავმა ორგანიზაციამ ყოფილი რუსი მზვერავის სერგეი სკრიპალისა და მისი ქალიშვილის იულიას მოწამვლასთან დაკავშირებული გამოძიების შედეგები გამოაქვეყნა. როგორც  JAMnews იუწყებოდა, ისინი ინგლისის ქალაქ სოლსბერიში მოწამლეს. სკრიპალი დიდ ბრიტანეთში 2010 წლიდან ცხოვრობდა, იქ ის ბრიტანულ დაზვერვასთან თანამშრომლობდა.

„ნოვაია გაზეტას“ ინფორმაციით, ქიმიური იარაღის ამკრძალავი ორგანიზაციის მოხსენებამ ბრიტანეთის პოლიციის გამოძიების ის შედეგები დაადასტურა, რომელიც „სოლსბერიში გამოყენებული ტოქსიური ქიმიკატის იდენტიფიკაციას ეხებოდა“. მანამდე გაერთიანებული სამეფოს პემიერ-მინისტრმა ტერეზა მეიმ განაცხადა, რომ სკრიპალი და მისი ქალიშვილი მოწამლეს ნერვულ-პარალიტიკური ნივთერება „ნოვიჩოკით“, რომელსაც სსრკ-ში აწარმოებდნენ. მეიმ აღნიშნა, რომ რუსეთი ან უშუალოდ არის დაკავშირებული სკრიპალის მოწამვლასთან, ან ირიბად, რადგან „ნოვიჩოკი“ მხოლოდ სსრკ-ში მზადდებოდა. მოგვიანებით ბრიტანული ლაბორატორია პორტონ-დაუნის ექსპერტები იმავე დასკვნებამდე მივიდნენ. ქიმიური იარაღის ამკრძალავი ორგანიზაციის დასკვნები ეფუძნება მომწამვლელი ნივთიერების კვლევებს, რომლის ნიმუშებიც დანაშაულის ადგილზე შეაგროვეს.  ქიმიური იარაღის ამკრძალავი ორგანიზაციის განცხადების თანახმად, კვლევები ორგანიზაციის პარტნიორი, ოთხი ავტორიტეტული ლაბორატორიის მიერ ჩატარდა.

ქიმიური იარაღის ამკრძალავი ორგანიზაციის განცხადებაში ასევე ნათქვამია: „იდენტიფიცირებული ტოქსიკური ქიმიური იარაღის დასახელება და სტრუქტურა მითითებულია სამდივნოს სრულიად გასაიდუმლოებულ მოხსენებაში, რომელიც ორგანიზაციის წევრი-ქვეყნების მისამართით გაკეთდა. ქიმიური იარაღის ამკრძალავ ორგანიზაციას საკუთარი გამოძიების არანაირი წვრილმანის შესახებ არ განუცხადებია. 14 აპრილს სკრიპალის საქმესთან დაკავშირებით რუსეთის საგარეო საქმეთა მინისტრმა სერგეი ლავროვმა კომენტარი გააკეთა. მან განაცხადა, რომ შვეიცარიული ლაბორატორია „შპიცის“ მონაცემებით, ყოფილი რუსი მზვერავი მოწამლულია ქიმიკატი BZ-ით, რომელიც რუსეთში არ იწარმოება და ნატოს წევრი ქვეყნების შეიარაღებაში არსებობს.

„შპიც“-მა ქიმიური იარაღის ამკრძალავი ორგანიზაციის უფლებამოსილმა ლაბორატორიამ – ლავროვს „ტვიტერში“ უპასუხა: „ამ მტკიცებულების კომენტირება მხოლოდ ქიმიური იარაღის ამკრძალავ ორგანიზაციას შეუძლია, მაგრამ ჩვენ შეგვიძლია გავიმეოროთ ის, რაც 10 დღის წინათ განვაცხადეთ: ეჭვი არ გვეპარება, რომ პორტონ-დაუნმა „ნოვიჩოკის“ იდენტიფიცირება მოახდინა.  

BZ-ს ნერვულ-პარალიტიკური საწამლავს, რომლის შესახებაც რუსეთის საგარეო საქმეთა მინისტრი ლაპარაკობდა – ადამიანი მწყობრიდან გამოჰყავს 4 დღე-ღამის ვადით. იულია სკრიპალი საავადმყოფოდან 10 აპრილს გამოწერეს, მისი მამა კი ისევ ჰოსპიტალში იმყოფება.   


ასევე წაიკითხეთ