ნიკა (ნიკანორ) მელია საქართველოს მთავარი ოპოზიციური პარტიის “ერთიანი ნაციონალური მოძრაობის” თავმჯდომარეა 2020 წლის დეკემბრიდან. ის მას შემდე აირჩიეს, რაც თანამდებობა გრიგოლ ვაშაძემ დატოვა.
2020 წლის 31 ოქტომბრის არჩევნებში ნიკა მელია კენჭს თბილისის ერთ-ერთ ყველაზე დიდ რაიონში, გლდანში იყრიდა. ის ერთადერთია ოპოზიციონერ მაჟორიტარ კანდიდატებს შორის, ვინც ცესკოს მონაცემებით, პირველ ტურში ხელისუფლების კანდიდატზე მეტი ხმა მიიღო.
მელია ასევე გახდა პირველი დეპუტატი, რომელსაც წინა მოწვევის პარლამენტმა პროკურატურის მოთხოვნით, სადეპუტატო უფლებამოსილება შეუჩერა. მაშინ მას ბრალი 20 ივნისს, ე.წ. გავრილოვის ღამის დროს, პარლამენტის შენობაში შეჭრის მცდელობაში დასდეს. ამ საქმეზე ოპოზიციის ლიდერმა გირაოს მეორედ გადახდაზე უარი განაცხადა, რადაგნ მისი თქმით, საქმე პოლიტიკურად მოტივირებულია. 2021 წლის 17 თებერვალს კი სასამართლომ მას პატიმრობა შეუფარდა.
ოპოზიციისა და “ნაციონალური მოძრაობის” ლიდერის საქმეს ემსხვერპლა პრემიერი გიორგი გახარიაც. მისი აზრით, მელიას დაკავება ქვეყანაში პოლიტიკურ კრიზისს გამოიწვევდა, “ქართული ოცნება” მას არ დაეთანხმა და ამის გამო გახარია 18 თებერვალს გადადგა.
