რაჭაში, სტიქიის ზონაში უკვეე 17 ადამიანის ცხედარი იპოვეს

სტიქია რაჭაში

რაჭაში, სტიქიის ზონაში დღეს კიდევ 17 ადამიანის ცხედარი იპოვეს. ამ დროისთვის დაღუპულად შინაგან საქმეთა სამინისტროს მიერ ბოლოს გავრცელებული ინფორმაციით, შოვში, სტიქიის ზონაში აღმოჩენილი ცხედრებიდან იდენტიფიცირებული მხოლოდ 7-ია.

საქართველოს რეგიონული განვითარებისა და ინფრასტრუქტურის მინისტრის, ირაკლი ქარსელაძის თქმით, ამ დროისთვის დაკავშირება 35 ადამიანთან ვერ ხერხდება.  მისივე სიტყვებით, ამ დროისთვის გამოყვანილია ყველა ადამიანი, რომელიც უსაფრთხო ადგილას მაშველებთან ერთად იმყოფებოდა.  

● სტიქია რაჭაში – ადიდებულმა რიონმა გზები და ხიდები წაიღო
● 90 წამი: ოთხი წელი თბილისის წყალდიდობიდან
● “70 წელია, მსგავსი არაფერი მინახავს” – წყალდიდობა აფხაზეთში

სამაშველო-სამძებრო სამუშაოები გრძელდება – დაკარგულ მოქალაქეებს, მაშველებთან ერთად, ეძებენ მოხალისეები, ასევე, მათი ახლობლები და ნათესავები.  

შოვში, სასტუმრო “სანსეტ შოვის” მიმდებარედ მეწყერის შედეგად მიწის მასა, გუშინ დაახლოებით, 16:00 საათზე ჩამოიშალა. ონის მუნიციპალიტეტის მერის, სერგო ხიდეშელის თქმით, შოვში მიწისა და წყლის ძალიან დიდი მასა ჩამოიშალა. ხიდიშელი ამბობს, რომ მეწყერმა ის ხიდი წაიღო, რითაც მოქალაქეები ამ ტერიტორიაზე გადადიოდნენ.  

მაშველებმა ადგილზე გუშინ იპოვეს 2 ადამიანის ცხედარი.  

ბოლოს განახლებული მონაცემებით, დაკავშირება ვერ ხერხდება 44 ადამიანთან. მანამდე ინფორმაცია ვრცელდებოდა 50 პირზე, თუმცა გვიან ღამით ინფრასტრუქტურის მინისტრმა, ირაკლი ქარსელაძემ თქვა, რომ მათგან 6-თან კონტაქტზე გავიდნენ.