"საქსტატის" მონაცემებით, ექსპორტი 24 პროცენტით, ხოლო იმპორტი 21.6 პროცენტით გაიზარდა

„საქსტატის“ წინასწარი მონაცემებით, 2021 წლის იანვარ-სექტემბერში ექსპორტი 24 პროცენტით, ხოლო იმპორტი 21.6 პროცენტით გაიზარდა. შესაბამისად, 2021 წლის იანვარ-სექტემბერში საქართველომ ექსპორტზე $2.9 მილიარდის პროდუქცია გაიტანა, ხოლო იმპორტიდან მიღებულმა თანხამ $7 მილიარდს უმნიშვნელოდ გადააჭარბა.

9 თვეში საექსპორტო პროდუქციის TOP-10 ასეთია:

1. სპილენძის მადნები და კონცენტრატები – $517.7 მლნ;
2. მსუბუქი ავტომობილები – $338.2 მლნ;
3. ფეროშენადნობები – $316.7 მლნ;
4. ყურძნის ნატურალური ღვინოები – $166.7 მლნ;
5. სპირტიანი სასმელები – $105.7 მლნ;
6. მინერალური და მტკნარი წყლები – $104.1 მლნ;
7. სამკურნალო საშუალებები – $72.5 მლნ;
8. თხილი და სხვა კაკალი – $70 მლნ;
9. აზოტოვანი სასუქები – $65.4 მლნ;
10. ტრიკოტაჟის ნაწარმი – $49.1 მლნ. 

იმპორტირებული პროდუქტების TOP-10 კი შემდეგია:

1. მსუბუქი ავტომობილები – $632.5 მლნ;
2. ნავთობი და ნავთობპროდუქტები – $576.3 მლნ;
3. სპილენძის მადნები – $530.1 მლნ;
4. სამკურნალო საშუალებები – $257.2 მლნ;
5. ნავთობის აირები – $207.3 მლნ;
6. სატელეფონო აპარატები – $157.5 მლნ;
7. გამომთვლელი მანქანები და მათი ბლოკები – $110.9 მლნ;
8. სატვირთო ავტომობილები – $86 მლნ;
9. ვაქცინები, სისხლი, იმუნური პროდუქტები – $84.3 მლნ;
10. ხორბალი – $67.8 მლნ.

● გასულ წელთან შედარებით, საქართველოს ეკონომიკა აგვისტოში 10.3 პროცენტით გაიზარდა
● საქართველოს ყოველი მეშვიდე მოქალაქე სოციალური შემწეობის დახმარებას იღებს
● “საქსტატის” მონაცემებით 2020 წელს პროდუქტები მნიშვნელოვნად გაძვირდა

თუ შევადარებთ მეზობელი ქვეყნების, სომხეთის და აზერბაიჯანის სტატისტიკას, გამოდის რომ საქართველოს ექსპორტი სომხეთისას 37%-ით აჭარბებს, ხოლო აზერბაიჯანის ექსპორტზე 400%-ით ნაკლებია. 

სომხეთის სტატისტიკის სამსახურის მონაცემებით, 8 თვეში სომხეთმა ექსპორტზე $1.9 მილიარდის პროდუქცია გაიტანა, აზერბაიჯანის ექსპორტმა კი $13 მილიარდს მიაღწია. 

საგულისხმოა ისიც, რომ გაზისა და ნავთობპროდუქტების გარეშე აზერბაიჯანის ექსპორტი $1.6 მილიარდს არ აღემატება. შესაბამისად, აზერბაიჯანის ექსპორტის 88% სწორედ გაზზე და ნავთობპროდუქტებზე მოდის.