საქართველოში შეზღუდვების დიდი ნაწილი იხსნება. ვაქცინა ისევ არ არის
საქართველოში კორონავირუსის პანდემიის გამო დაწესებული შეზღუდვების ნაწილი იხსნება.
ძალაში რჩება 21 საათიდან დილის 5 საათამდე დაწესებული კომენდანტის საათი.
ამის შესახებ საქართველოს პრემიერ-მინისტრმა ირაკლი ღარიბაშვილმა უწყებათაშორისი საკოორდინაციო საბჭოს სხდომის დასრულების შემდეგ განაცხადახ.
რა შეზრუდვები იხსნება:
სამთო კურორტები
● 25 თებერვლიდან გაიხსნება სასტუმროები სამთო კურორტებზე ეპიდემიოლოგიური სტანდარტების დაცვით;
● 8 მარტიდან სამთო კურორტებზე ამუშავდება საბაგიროები;
რესტორნები
● 1 მარტიდან რესტორნების შიდა სივრცეები ამუშავდება ბათუმში;
● 8 მარტიდან უკვე რესტორნები დანარჩენ საქართველოში გაიხსნება. (დღეს რესტორნები მხოლოდ გატანის სერვისზე მუშაობენ და ასევე გარე სივრცეებში იღებენ სტუმრებს)
თუმცა, შეზღუდვები არ იხსნება უქმეებზე. რესტორნები არსად მთელი ქვეყნის მასშტაბით არ იმუშავებს შაბათ-კვირას.
სპორტი და ფიტნესი
● 15 მარტიდან მუშაობას განაახლებენ სპორტული დარბაზები;
ტრანსპორტი
● 25 თებერვლიდან ამოქმედდება საქალაქთაშორისო ტრანსპორტი;
საბავშვო ბაღები
● 1 მარტიდან ამუშავდება საბავშვო ბაღები როგორც საჯარო, ისე კერძო. ორ კვირაში ერთხელ აქ თანამშრომლების 20 პროცენტი სავალდებულოდ უნდა დაიტესტოს.
უმაღლესი სასწავლებლები
● 1 მარტიდან უმაღლესი და პროფესიული სასწავლებლები კლინიკური, პრაქტიკული, ლაბორატორიული საქმიანობის აღდგენას და გამოცდების არადისტანციურ ფორმატში ჩატარებას შეძლებენ;
● 15 მარტიდან კი სასწავლო პროცესი აუდიტორიებში აღდგება.
კონფერენციები
● 1 მარტიდან შესაძლებელი იქნება კონფერენციებისა და ტრენინგების ჩატარება;
სხვადასხვა წრეები
● 15 მარტიდან სასკოლო წრეები განახლდება;
მუზეუმები და ბიბლიოთეკები
● 1 მარტიდან მუზეუმები და ბიბლიოთეკები გაიხსნება.
კულტურული და გასართობი დაწესებულებები
● 15 მარტიდან თეატრები, სპორტული კლუბები, პროფესიული ანსამბლები მხოლოდ რეპეტიციების და ვარჯიშის განახლებას შეძლებენ
● 1 აპრილიდან მათი საქმიანობა სრულად აღდგება – შეძლებენ თეატრალური წარმოდგენების, სპორტული შეჯიბრებების გამართვას მაყურებლის დასწრებით
შეზღუდვების მოხსნის ჩამონათვალში არ მოხვდნენ კინოთეატრები, ღამის კლუბები კლუბები და საკონცერტო ღონისძიებები. უცნობია, როდის შეძლებენ ისინი საქმიანობის განახლებას.
მაღაზიები
● 8 მარტიდან მაღაზიები, მოლები და ბაზრობები ამუშავდება სრული დატვირთვით შაბათ-კვირის ჩათვლით (ამჟამად ისინი მხოლოდ სამუშაო დღეებში მუშაობენ).