"რუსული კოშმარი, რომელიც ისტორიის ნაწილი გვეგონა, ბრუნდება, რომ გვდევნოს 21-ე საუკუნეში" - ზურაბიშვილმა ლიეტუვის პარლამენტს მიმართა
სალომე ზურაბიშვილმა ლიეტუვის პარლამენტს სიტყვით მიმართა
საქართველოს მეხუთე პრეზიდენტმა, სალომე ზურაბიშვილმა ლიეტუვის რესპუბლიკის პარლამენტს სიტყვით მიმართა. ზურაბიშვილმა სიტყვით გამოსვლისას რეჟიმის მიერ უკანონოდ დაკავებულ პატიმრებზე და ივანიშვილის რეჟიმის საპოლიციო რეპრესიების შესახებ ისაუბრა. მისი თქმით, საქართველო დღეს რეპრესიების ქვეშ იმყოფება.
რა თქვა სალომე ზურაბიშვილმა
“ახლა საქართველოში კრიზისი მწვავდება, ეს გასცდა უბრალო პოლიტიკურ კრიზის, გასცდა არჩევნების საკითხს, საკითხს, სადაც ოპოზიცია არჩევნებს აპროტესტებს.
ჩვენ ახლა უფრო სხვა და დიდი გამოწვევის წინაშე ვდგავართ, ეს შეიძლება შევაფასოთ, როგორც ეგზისტენციურ გამოწვევად – მმართველი პარტია, რომელმაც მოიპოვა ძალაუფლება თავდაპირველად მხარდაჭერილი იყო საქართველოს საზოგადოების მიერ, რადგან ისინი მოვიდნენ ევროპული მომავლის, რეფორმების პროგრამით, თუმცა 28 ნოემბერს მათ გადაწყვიტეს, რომ უკან წაიღონ ყველაფერი და ზურგი შეაქციონ ერის სურვილს, რომ ქვეყანა იყოს ევროპული ოჯახის ნაწილი.
ქართველი ხალხის მოლოდინების მიუხედავად, ისინი ცდილობენ საქართველო უკან, რუსული სტილის მმართველობაში დააბრუნონ – სრული კოშმარი, რომელიც ჩვენ ვნახეთ ბრუნდება 21-ე საუკუნეშიც
ჩვენ დღეს ვართ რეპრესიების ქვეშ მყოფი ერი – ჟურნალისტები, სამოქალაქო აქტივისტები, პოლიტიკოსები მიჰყავთ პოლიციის განყოფილებებში და გაყალბებულ ბრალდებებს უყენებენ მათ.
აქ, როცა აქ ვდგავარ თქვენს წინაშე ერთ-ერთი ცნობილი ხელოვანის სასამართლო პროცესი მიმდინარეობს და მას, შესაძლოა არაფრის გამო 11 წელი მიუსაჯონ – იმის გამო, რომ ის მშვიდობიანად აპროტესტებდა.
ეს ხელისუფლება იყენებს რუსულ ტაქტიკას – ისინი იარაღად იყენებენ პოლიციას, ძალაუფლებას, მართლმსაჯულებას საკუთარი მოქალაქეების წინააღმდეგ
მზია ამაღლობელის საქმე, რომელიც აშუქებდა საპროტესტო მოძრაობას, ასევე სტუდენტები, რომლებსაც ბრალს დებენ, რომ ისინი მონაწილეობდნენ ჯგუფურ ძალადობაში/ ეს ადამიანები არ არიან კრიმინალები, ისინი არიან უბრალო მოქალაქეები, რომლებსაც სჯერათ დემოკრატიული მომავლის.
არჩევნების გაყალბების გარდა, პოლიტიკური კრიზისის გარდა, სადაც ოპოზიცია ეწინააღმდეგება არჩევნების შედეგებს, როდესაც მმართველი პარტია ცდილობს ძალაუფლების კონსოლიდაციას, რა ფასადაც არ უნდა დაუჯდეს, ჩვენ წინააღმდეგობას ვუწევთ განსხვავებულ გამოწვევას, რომლის კვალიფიცირება შეიძლება მხოლოდ როგორც ეგზისტენციალური გამოწვევა.
მმართველმა პარტიამ, რომელიც ხელისუფლებაში მოვიდა თავდაპირველად ქვეყნის მოსახლეობის აბსოლუტური უმრავლესობის მხარდაჭერით, რადგან ის მოვიდა ხელისუფლებაში პრო-ევროპული პროგრამით, დემოკრატიული რეფორმების პროგრამით, გადაწყვიტა გასული წლის 28 ნოემბერს, ზურგი ექცია საკუთარი დაპირებებისთვის, რომელიც გაწერილია კონსტიტუციის 78-ე მუხლში, ზურგი ექცია ერის გამოხატული ნებისთვის საქართველო ევროპულ ოჯახს შეუერთდეს და ქართველი ხალხის ყველა მოლოდინისა და მისწრაფების წინააღმდეგ იწყებს საქართველოს დაბრუნება რუსეთის ბატონობისკენ და ქვეყნის მართვის რუსული მოდელისკენ.
რუსული კოშმარი, რომელიც ისტორიის ნაწილი გვეგონა ჩვენი დამოუკიდებლობის შემდეგ, ბრუნდება, რომ გვდევნოს 21-ე საუკუნეში.
ევროპამ დაუყოვნებლივ უნდა იმოქმედოს. თუ საქართველომ ხვალ რუსეთის გავლენის ქვეშ მოექცა, ეს არა მხოლოდ ჩვენი ქვეყნისთვის იქნება ტრაგედია, არამედ სტრატეგიული კატასტროფა ევროპისთვისაც
ეს დაამტკიცებს, რომ რუსეთს მიზნების მისაღწევად სამხედრო აგრესია აღარ სჭირდება. ჰიბრიდული ომის, არჩევნებში ჩარევის და ეკონომიკური ზეწოლის მეშვეობით, ბევრად იაფად შეუძლია საკუთარი გეგმების განხორციელება. რუსეთი ამ ახალ მეთოდებს ახლა საქართველოში ცდის, როგორც 2008 წელს ცადა სამხედრო აგრესიის გამოყენება.”
