როგორ ვისწავლე ქართული ენა. ვიდეო
მარნეულში მცხოვრები ეთნიკური უმცირესობების დიდმა ნაწილმა ქართული ენა არ იცის. აქ თაობები წლები იზრდებოდნენ ისე, რომ ყოველდღიურობაში სახელმწიფო ენა არ სჭირდებოდათ.
ახალმა თაობამ ნელ-ნელა დაიწყო ქართულის სწავლა, მაგრამ, ამ გზაზე ბევრი პრობლემაა. სკოლებში ან საერთოდ არ ჰყავთ ქართულის მასწავლებელი, ან არაკვალიფიციური კადრი მუშაობს. ქართულის გაკვეთილების საათები არასაკმარისია. სახელმძღვანელოები კი შეცდომებითაა სავსე.
ენის სწავლა განსაკუთრებით მათ უჭირთ, ვინც აზერბაიჯანულ თემში ცხოვრობს და ქართველებთან არ აქვს შეხება. ენის არცოდნის გამო, ქართველი აზერბაიჯანელები და სომხები ხშირად ხდებიან დისკრიმინაციის მსხვერპლი.
გარიკი, ზულფინა და ალინა ამ ვიდეოში ჰყვებიან, როგორ ისწავლეს თავად ქართული ენა, აქვს თუ არა ამის პირობები მარნეულში ყველას და როგორ ცხოვრობენ ისინი, ვინც ენა არ იცის
- საქართველოს ახალგაზრდა აზერბაიჯანელები – თაობა, რომელიც არ დუმს
- საქართველოს უმცირესობები: ინტეგრაციის გზაზე არსებული ბარიერების ნგრევა
მასალა მომზადდა ტოლერანტობის და მრავალფეროვნების ინსტიტუტის (TDI) პროექტის “ეროვნული უმცირესობების ინკლუზიური და პლურალისტური გაშუქების გაძლიერება მედიაში” ფარგლებში, ეუთოს ეროვნული უმცირესობების საკითხებზე უმაღლესი კომისრის ოფისის მხარდაჭერით. მასალაში გამოთქმული მოსაზრებები ეკუთვნის ავტორს და არ წარმოადგენს ეუთოს ეროვნული უმცირესობების საკითხებზე უმაღლესი კომისრის პოზიციას.
