"სტატუსის მინიჭებით, ევროპულმა საბჭომ უპასუხა ქართველი ხალხის მისწრაფებებს" - მაკრონის წერილი პრეზიდენტს
მაკრონის წერილი პრეზიდენტს
საფრანგეთის პრეზიდენტმა, ემანუელ მაკრონმა საქართველოს პრეზიდენტს, სალომე ზურაბიშვილს წერილი გაუგზავნა და ქართველ ხალხს დამოუკიდებლობის დღე მიულოცა.
რას წერს ემანუელ მაკრონი
“ქალბატონო პრეზიდენტო, ძვირფასო სალომე,
საქართველოს ეროვნულ დღესასწაულთან დაკავშირებით, მოხარული ვარ, გულწრფელად მოგილოცოთ ქართველ ხალხს და ასევე თქვენ.
იმ დროს, როცა რუსეთმა დააბრუნა ომი ევროპის კონტინენტზე, მსურს, კიდევ ერთხელ დავადასტურო საფრანგეთის ურყევი მხარდაჭერა საქართველოს სუვერენიტეტისა და დამოუკიდებლობის მიმართ, მისი დამოუკიდებლობის აღდგენის აღნიშვნის ამ ესოდენ სიმბოლურ დღეს.
ევროკავშირის წევრობის კანდიდატის სტატუსის მინიჭების არჩევით, ევროპულმა საბჭომ ცალსახად უპასუხა ქართველი ხალხის მისწრაფებებს.
საქართველომ თავად უნდა აირჩიოს თავისი გზა.
ევროპის გზა არის კანონის, დემოკრატიისა და საერთო კეთილდღეობის დაპირების გზა, დიალოგისა და სანდო და თავაზიანი პარტნიორობის ფარგლებში.
საფრანგეთი იმდენად მტკიცედ გააგრძელებს საქართველოს გვერდით დგომას, რამდენადაც ის განაგრძობს ამ გზაზე სვლას.
გთხოვთ, მიიღოთ, ქალბატონო პრეზიდენტო, ჩემი უღრმესი და მოკრძალებული პატივისცემის დასტური.
გულითადად თქვენი, ემანუელ მაკრონი.”
26 მაისს საქართველო დამოუკიდებლობის დღეს აღნიშნავს. 1918 წლის 26 მაისი პირველი რესპუბლიკის მიერ გამოცხადებული დამოუკიდებლობის დღეა.
