ივნისში საქართველოში ყველაზე მეტი ფულადი გზავნილი რუსეთიდან შემოვიდა

2020 წლის ივნისში საქართველოში შემოსული ფულადი გზავნილების რაოდენობა გასული წლის იგივე პერიოდთან შედარებით 17.8%-ით, 169.2 აშშ დოლარამდე გაიზარდა.

საქართველოს ეროვნული ბანკის ინფორმაციით, ფულადი გზავნილების ყველაზე დიდი წილი – 32 მლნ 570 ათასი აშშ დოლარი (მთლიანი გზავნილების 19.25%) რუსეთიდან შემოვიდა. 

თუმცა, რუსული გზავნილები გასულ წელთან შედარებით 6.36%-ით არის შემცირებული. 

იტალიაზე მოდის –  26,7 მლნ აშშ დოლარი (მთლიანი მოცულობის 15.83%).

• საქართველო საზღვრებს ხსნის ევროკავშირის ხუთი ქვეყნისთვის. ოღონდ ფრენები არ არის
• “ჩაკეტილი ქვეყანა” და ზარალი ეკონომიკისთვის

მას მოსდევს აშშ – 20 მლნ აშშ დოლარი (11.84%)

და საბერძნეთი – 19, 89 მლნ აშშ დოლარი (11.76%).

ივნისში გაიზარდა საქართველოდან გაგზავნილი ფულადი გზავნილების მოცულობაც. ჯამში, ივნისში საქართველოდან 21.9 მილიონი დოლარი გადაიგზავნა, რაც შარშანდელთან შედარებით 25.4%-ით მეტია.