ისრაელმა საქართველო “მწვანე ქვეყნების” სიაში შეიყვანა

ისრაელმა საქართველო კორონავირუსის პანდემიის გავრცელების მხრივ „მწვანე ქვეყნების“ სიაში შეიყვანა. შესაბამისად, ისრაელის იმ მოქალაქეებს, რომლებიც სამშობლოში საქართველოდან დაბრუნდებიან, კარანტინში ყოფნა არ მოუწევთ. თუმცა, ისრაელი ჯერჯერობით, არ არის იმ ქვეყნებს შორის, რომელსაც საქართველომ საზღვრები გაუხსნა. 

• საქართველო საზღვრებს ხსნის ევროკავშირის ხუთი ქვეყნისთვის. ოღონდ ფრენები არ არის

• PCR-ტესტი, კარანტინი და თვითიზოლაცია – რა უნდა იცოდეთ, თუ საქართველოში შემოსვლას ან საქართველოდან წასვლას აპირებთ

რამდენიმე თვის წინ საქართველოს ხელისუფლება აცხადებდა, რომ ერთ-ერთი პირველი ქვეყანა, საიდანაც საქართველო 1-ელი ივლისიდან ტურისტებს მიიღებდა, ისრაელი იქნებოდა. თუმცა, ისრაელში კორონავირუსის ეპიდსიტუაციის გაუარესების გამო გადაწყვეტილება მალევე შეიცვალა და საქართველომ ისრაელის მოქალაქეებისთვის საზღვრის გხსნაზე უარი თქვა.

ტურიზმის ეროვნული ადმინისტრაციის ინფორმაციით, 2019 წელს ისრაელიდან საქართველოში 228 000 ტურისტი ჩამოვიდა. ისრაელი ტურისტები საქართველოში ერთ-ერთ ყველაზე მაღლამხარჯველიან ტურისტთა კატეგორიას მიეკუთვნებიან – ისინი საქართვლოში ერთ ვიზიტზე საშუალოდ 2035 აშშ დოლარს ხარჯავენ.