ისრაელის სპეცოპერაცია? ირანში სამხედრო ობიექტები გაანადგურეს
სარაკეტო დარტყმები ირანზე
29 იანვრის ღამეს ირანში სამხედრო ინფრასტრუქტურის ობიექტებზე აფეთქებების სერია ერთმანეთს მიჰყვა. სარაკეტო დაბომბვის შედეგად დაზიანდა დრონების ქარხნები, რომლებიც, როგორც წყაროები ამბობენ, რუსეთს უკრაინაინის წინააღმდეგ იარაღს აწვდიდნენ.
საერთაშორისო მედია თვლის, რომ ეს არის ისრაელის „საპასუხო ოპერაცია“. ოფიციალური ისრაელი კომენტარს არ აკეთებს.
According to some reports, the air defenses of Iran's traditional army and the IRGC have been put on high alert amid a horrible fire in a factory near Tabriz (the video below) and unconfirmed reports of explosions and fires in Karaj, Tehran and Hamadan.https://t.co/WxKcN5ZtnA pic.twitter.com/GSHmTkcKqS
— Iran International English (@IranIntl_En) January 29, 2023
აფეთქებები დაფიქსირდა ირანის რამდენიმე რეგიონში. გავრცელებული ინფორმაცით, ეს არის მინიმუმ 14 სამრეწველო და სამხედრო ობიექტი.
ჯერ არ დადასტურებული მონაცემებით, სია ასეთია:
- IRGC-ის შტაბი
- IRGC სპეცდანიშნულების ბაზა “ქუდსი”
- საბრძოლო მასალისა და უპილოტო საფრენი აპარატების წარმოების ცენტრი
- გადამამუშავებელი ქარხანა
- იარაღის ქარხანა
- სამხედრო ბაზები ჰამადანსა და კერეჯში.
ირანის ოფიციალური წყაროების ცნობით, სამხედრო საცავსა და საბრძოლო მასალის წარმოების ცენტრს, ასევე საავტომობილო ზეთების წარმოების დიდ ქარხანას ქალაქ შაჰიდ სალიმიში დრონებით დაესხნენ თავს.
„2023 წლის 28 იანვრის საღამოს, დაახლოებით 23:30 საათზე, უპილოტო დრონების გამოყენებით წარუმატებელი თავდასხმა განხორციელდა თავდაცვის სამინისტროს ერთ-ერთ ობიექტზე – ნათქვამია ირანის თავდაცვის სამინისტროს განცხადებაში – ერთი მათგანი ჩამოაგდო საჰაერო თავდაცვის სისტემამ, დანარჩენი ორი კი თავდაცვით ხაფანგში გაება და აფეთქდა.”
მსხვერპლისა და დაშავებულების შესახებ ინფორმაცია ჯერჯერობით არ ვრცელდება.
- შეიარაღებული თავდასხმა ირანში აზერბაიჯანის საელჩოზე. ვინ დგას თავდასხმის უკან? ვიდეო
- ირანის რადიკალი პრეზიდენტი და კავკასია: შეფასებები ბაქოდან, ერევნიდან და თბილისიდან
მედია: სარაკეტო დარტყმების პარალელურად, რამდენიმე ადამიანს ზუსტად დაუმიზნეს
თუმცა, კონკრეტული სახელები არ არის მითითებული. თეირანმა კი ეს ინფორმაცია უარყო.
აფეთქებების ხმები ისმოდა თეირანშიც. თვითმხილველები ამბობენ, რომ მათ თავზე უპილოტო საფრენი აპარატები დაფრინავდნენ.
დილით ასევე გავრცელდა ინფორმაცია ირანის ეროვნული ბირთვული ცენტრის ტერიტორიაზე აფეთქების შესახებ. თუმცა ამას არც ერთი მხარე არ ადასტურებს.
მიწისძვრა სარაკეტო იერიშის შემდეგ
ირანის წითელი ნახევარმთვარის საზოგადოების ცნობით, ქვეყნის ჩრდილო-დასავლეთში, ქალაქ ხოიში 5,9 მაგნიტუდის მიწისძვრა მოხდა. ქალაქ ხოიში და სალმასში ორი ადამიანი დაიღუპა და 307 დაშავდა.
სოციალურ ქსელებში ვრცელდება ინფორმაცია, რომ მიწისძვრა გამოწვეულია იმით, რომ ერთ-ერთი სარაკეტო დარტყმა განხორციელდა მთაში მდებარე გასაიდუმლოებულ ირანულ ქარხანაზე.
რომელ ქვეყანას ეკუთვნის ტექნიკა, რითაც ირანს დაესხნენ თავს?
ირანის ხელისუფლებას ჯერ არ დაუსახელებია ვინ დაესხა თავს.
საინფორმაციო არხმა Al Arabiya-მ განაცხადა, რომ ისრაელმა დაიწყო სპეციალური სამხედრო ოპერაცია ირანში მისი სამხედრო ინდუსტრიის განადგურების მიზნით.
ისრაელს ამ განცხადებაზე კომენტარი არ გაუკეთებია. მაგრამ ბევრი ავტორიტეტული მედია ციტირებს ისრაელის პრემიერმინისტრის, ბენიამინ ნეთანიაჰუს 28 იანვარს გაკეთებულ განცხადებას:
„ჩვენი პასუხი [იერუსალიმში ტერაქტებზე] იქნება სწრაფი და ძლიერი.”
