ენმ-ს მხარდამჭერი ამბობს, რომ პარტიის ოფისში თავს დაესხნენ. რა განმარტებას აკეთებენ პარტიაში

ენმ-ს მხარდამჭერი გიორგი მუმლაძე

25 სექტემბერს მოძრაობა “საქართველოსთვის” წევრმა და ენმ-ს მხარდამჭერმა გიორგი მუმლაძემ ფეისბუქლაივი ჩაწერა, სადაც ნიკა მელიასთან დაპირისპირებაზე საუბრობს. მისი მტკიცებით, მელიამ პასუხი ფეისბუქზე “აქტიურობის გამო” მოსთხოვა. გიორგი მუმლაძის თქმით, მისი ამოცანაა, რომ “ნიკა მელია პანღურით იქნეს გაგდებული პარტიიდან”. მისივე თქმით, პარტიის მხარდამჭერისთვის მნიშვნელოვანია, რომ თავმჯდომარე ასეთი “მოძალადე” არ იყოს.

დღეს დილით “ერთიანმა ნაციონალურმა მოძრაობამ” განცხადება გაავრცელა, სადაც ამბობს, რომ “რუსული ოცნების სტრატეგიაა საზოგადოებაში გააჩინოს უიმედობა და ნიჰილიზმი.” მთავარი ოპოზიციური პარტიის განმარტებით, სწორედ ამ მიზნით მათ არაერთხელ უცდიათ პროვოკაციების მოწყობა და ოპოზიციურ პარტიებში დაპირისპირების სურათის შექმნა. მათივე შეფასებით, ეს ქმნის ხელსაყრელ გარემოს, “რათა ოლიგარქის მიერ მიტაცებულმა სამართალდამცავმა ორგანოებმა პარტიის აქტიურ წევრებზე ყალბი სისხლის სამართლის საქმეების აღძვრისა და პოლიტიკური დევნის ახალი ტალღა წამოიწყონ.”

გიორგი მუმლაძის თქმით, ათი დღის წინ ტე­ლე­ვი­ზი­ით გა­ვი­და ასე­თი სი­უ­ჟე­ტი, რო­მელ­შიც ნო­დარ მე­ლა­ძე სა­უბ­რობ­და პარ­ტი­ა­ში ჩა­ნერ­გილ აგენ­ტებ­ზე. ამ სი­უ­ჟე­ტი­დან გა­მომ­დი­ნა­რე, “ერთ-ერთ ჩვენს თა­ნა­მებ­რძოლ­ზე პარ­ტი­ა­ში გავ­რცელ­და ინ­ფორ­მა­ცია, რომ თით­ქოს ის იყო სუს – ის აგენ­ტი.” მუმლაძის თქმით, ეს იყო ერთ-ერთი მთა­ვა­რი მი­ზა­ნი და სა­კი­თხი, რის გა­მოც მათ გადაწყვიტეს პა­სუ­ხი მოეთხოვათ, “რად­გან ყო­ველ­გვა­რი არ­გუ­მენ­ტის გა­რე­შე ადა­მი­ან­ზე ავ­რცე­ლებ­და ასეთ ბინ­ძურ ინ­ფორ­მა­ცი­ას.”

“შემ­დეგ გა­და­წყდა, რომ ნიკა მე­ლი­ას თა­ოს­ნო­ბით ორ­შა­ბათს პარ­ტი­ა­ში იქ­ნე­ბო­და შეხ­ვედ­რა, სა­დაც უნდა გვე­სა­უბ­რა ამ თე­მა­ზე. ჩვე­ნი საქ­მი­ა­ნო­ბა ტა­ლახ­ში ამოს­ვა­რეს. ამ შეკ­რე­ბა­ზე და­ახ­ლო­ე­ბით 7-8 ადა­მი­ა­ნი მი­ვე­დით, რომ­ლე­ბიც “მოძ­რა­ო­ბა სა­ქარ­თვე­ლოს­თვის“ ფარ­გლებ­ში ვსაქ­მი­ა­ნობ­დით. ნიკა მე­ლი­ამ მი­თხრა, რომ შენ რა­ღაც ცალ­კე გინ­და პარ­ტი­ის გა­კე­თე­ბაო. ამ დროს ვკი­თხე, რო­დე­საც დაგ­ჭირ­დი რა­მე­ში გვერ­დით არ და­გი­დე­ქი-მეთ­ქი? რა­ზეც მი­პა­სუ­ხა, – რა კი­თხვებს მის­ვამ, “ფე­ის­ბუქ­ზე” რა დღე­ში ხარო. რამე არას­წო­რი ვი­კი­თხე რა­ზეც არ უნდა გამ­ცე პა­სუ­ხი-მეთ­ქი?.. რის შემ­დე­გაც პრო­ვო­კა­ტო­რი მი­წო­და. ვუ­თხა­რი, მე და შენს შო­რის პრო­ვო­კა­ტო­რის დე­დაც-მეთ­ქი. ამას მოჰ­ყვა ფი­ზი­კუ­რი და­პი­რის­პი­რე­ბა.” – ამბობს გიორგი მუმლაძე. 

მოგვიანებით მან ფეისბუქზე გამოაქვეყნა პირადი მიმოწერა ენმ-ს აფხაზეთის აღამასრულებელ მდივან თენგო სანაიასთან, სადაც ჩანს, თუ როგორ ემუქრება იგი მუმლაძეს. “დაგაგდებ”, “იარაღს გაგთხრი” – წერს თენგო სანაია გიორგი მუმლაძეს.

ნაცმოძრაობაში განმარტავენ, რომ შედგა საუბარი პარტიის გენერალურ მდივანსა და იმ ადამიანს შორის, ვისთან მიმართებაშიც კითხვები არსებობდა. საუბრის შემდეგ საკითხი ამოიწურა და კითხვის ნიშნები მოიხსნა. პარტიის მტკიცებით, მოგვიანებით ამ პირების ნაწილის სურვილით პარტიის თავმჯდომარე საკუთარ სამუშაო ოთახში მშვიდ ვითარებაში ხვდებოდა ჯგუფის რამდენიმე წარმომადგენელს, რა დროსაც იქ შეიჭრა გიორგი მუმლაძე თანმხლებ პირებთან ერთად. მან შეურაცხმყოფელი, ქუჩური ტერმინოლოგიით სცადა პროვოკაციის მოწყობა. ბუნებრივია, პარტიაში მყოფმა პარტიის წევრებმა აღკვეთეს მათი მცდელობა და ეს ადამიანები ოფისიდან გაიყვანეს.

● “ნაციონალური მოძრაობა” ვადამდელ არჩევნებს ითხოვს. რას პასუხობს ხელისუფლება
● როგორ ცხოვრობს ერთადერთი მუნიციპალიტეტი, სადაც არჩევნები ოპოზიციამ მოიგო. რეპორტაჟი წალენჯიხიდან
● “ნაციონალური მოძრაობის” ინიციატივა: რეჟიმის ცვლილების შემდეგ, აქტივისტებს კომპენსაციას გადავუხდით

“ჩვენ არ ვაპირებდით ამ თემებზე საჯაროდ საუბარს, რადგანაც ეს არ არის ის საკითხები, რომელიც საზოგადოებას აწუხებს და არ ეხება ქვეყანაში არსებულ მძიმე გამოწვევებს, თუმცა რადგან რამდენიმე ადამიანმა საკუთარი პირადი მიზნების მისაღწევად გადაწყვიტა მცდარი ინფორმაციის გავრცელება, შევთანხმდით, რომ აუცილებელი იყო მთავარი ოპოზიციური პარტიის პოზიციის დაფიქსირება” – ნათქვამია პარტიის განცხადებაში.

“ერთიანი ნაციონალური მოძრაობის” შეფასებით, მთავარი აქცენტი ივანიშვილის რეჟიმის საბოლოო დამარცხებაზე უნდა გაკეთდეს:

“ამავე დროს, ნაციონალური მოძრაობა ერთიანია სტრატეგიაში – მიხეილ სააკაშვილის, ნიკა გვარამიასა და სხვა პოლიტიკური პატიმრების გათავისუფლება, ხელისუფლების ცვლილება ვადამდელი არჩევნების გზით, დაჩქარებული ტემპით აუცილებელი რეფორმების გატარება და ევროკავშირის წევრობის კანდიდატობის მიღება. ევროპული ოჯახის სრულფასოვანი წევრობა არის ჩვენი სახელმწიფოს თავისუფლების, უსაფრთხოების, მშვიდობისა და კეთილდღეობის წინაპირობა.”