covid-19-ის 27 ახალი შემთხვევა გამოვლინდა საქართველოში

ბოლო 24 საათში საქართველოში covid-19-ის 27  ახალი შემთხვევა გამოვლინდა.

30 აპრილის მონაცემებით, საქართველოში კორონავირუსით ინფიცირების   შემთხვევაა  566 დადასტურებული. კარანტინის რეჟიმშია 5243 ადამიანი, ხოლო სტაციონარში მეთვალყურეობის ქვეშ – 550 პირი. კორონავირუსით ინფიცირებულთაგან 184 გამოჯანმრთელდა და 6  გარდაიცვალა. 

უცხოეთიდან საქართველოში სამკურნალოდ გადმოყვანილია  კორონავირუსით ინფიცირებული საქართველოს 3 მოქალაქე.

კორონავირუსით ინფიცირების 15 ახალი შემთხვევა გამოვლინდა თეთრიწყაროში. ყველა მათგანი თეთრიწყაროს საავადმყოფოს კლასტერის კონტაქტია. ამ დროისთვის მუნიციპალიტეტში covid-19-ის 38 შემთხვევაა დადასტურებული.

• თბილისი კარანტინში: მანქანები მოძრაობენ, მაგრამ ქალაქი მაინც ცარიელია
• მთავრობის ანტიკრიზისული გეგმა: ვინ რა დახმარებას მიიღებს
• საქართველო: რა ბედი ელის ტურიზმს?
• როგორ მოიხსნება შეზღუდვები – მთავრობის გეგმა

კორონავირუსი დაუდასტურდა გორის სამხედრო ჰოსპიტლის ინფიცირებული უმცროსი მედდის 2 მცირეწლოვან შვილსაც. ისინი საავადმყოფოში გადაიყვანეს. 

კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.