ციხის ყოფილი უფროსი დავით ჭაკუა გერმანიამ საქართველოს გადმოსცა
სასჯელაღსრულების დეპარტამენტის ყოფილი უფროსი, დავით ჭაკუა გერმანიამ საქართველოს გადმოსცა. პროკურატურის ინფორმაცით, მას გერმანიიდან საქართველოში დღეს დააბრუნებენ.
დავით ჭაკუას ბრალი წაყენებული აქვს 2006 წლის 27 მარტს, ე. წ. ციხის ბუნტის ჩახშობის მოტივით ჩატარებული სპეცოპერაციის საქმეზე, რა დროსაც 2 პატიმარი დაიღუპა. ბრალი მას ბაჩო ახალაიასთან, მეგის ქარდავასთან და რევაზ ჭარბაძესთან ერთად წაუყენეს.
ჭაკუას სასჯელის სახით 3,9-წლიანი პატიმრობა და 3000-ლარიანი ჯარიმა აქვს მისჯილი.
ის რამდენიმე წლის წინ ავსტრიაში დააკავეს, თუმცა გირაოთი გაათავისუფლეს. მისი ადვოკატის თქმით, ავსტრიამ საქართველოს ჭაკუას ექსტრადირებაზე უარი უთხრა.
