ანკარაში ტერაქტს 34 ადამიანი ემსხვერპლა

Yahoo, 14.03.2016

ოფიციალური წყაროების მონაცემებით, თვითმკვლელი ტერორისტის მიერ მოწყობილი აფეთქების შედეგად ანკარის ცენტრში, ხალხმრავალ მოედანზე, სულ ცოტა, 34 ადამიანი დაიღუპა,  125 კი დაშავდა.
ბოლო ერთი თვის განმავლობაში თურქეთის დედაქალაქში მომხდარ ტერაქტებს შორის ყიზილაის მოედნის შემთხვევა რიგით მეორე მძლავრი აფეთქებაა. 17 თებერვალს ანკარაში აფეთებულმა მანქანამ 29 ადამიანის სიცოცხლე შეიწირა. ის, რომ ბოევიკებმა ასე მალე შეძლეს ახალი იერიში მიეტანათ იმ ადგილზე, რომელიც ქვეყნის პრემიერმინისტრის რეზიდენციის,პარლამენტისა თუ საელჩოების შენობებისგან არც ისე შორსაა,საეჭვოს ხდის, შესწევს თუ არა თურქეთს უნარი, გაუმკლავდეს იმ ორმაგ საფრთხეს,რაც ‘ისლამური სახელმწიფოსგან’ და ქურთი მეამბოხეების მხრიდანაა მოსალოდნელი.

გასული წლის შუაში მომხდარი გამანადგურებელი შეტევების შემდეგ თურქეთი გაძლიერებული მზადყოფნის რეჟიმზე გადავიდა. ამ ტერაქტების უმრავლესობას,მათ შორის ოქტომბერში ანკარაში მომხდარ ორ შემთხვევას, რასაც, მთლიანობაში, 103 ადამიანი შეეწირა, ‘ისლამურ სახელმწიფოს’ მიაწერენ.

კვირას მომხდარი აფეთქება თურქეთისთვის მეტად საგულისხმო მომენტს დაემთხვა. თურქეთს გადაწყვეტილი აქვს,მიგრაციის პრობლემებთან დაკავშირებით გაწეული დახმარების სანაცვლოდ, ქვეყნის ევროკავშირში გაწევრიანების დაჩქარება ითხოვოს.