აფხაზეთში, ეშერის სპორტული ბაზის პრივატიზაციაზე უარის თქმის გამო თანამდებობის პირი გაათავისუფლეს
ეშერის სპორტული ობიექტები
აფხაზეთის სპორტის სახელმწიფო კომიტეტის (ახალგაზრდობისა და სპორტის სახელმწიფო კომიტეტის) ხელმძღვანელმა ჯემალ გუბაზმა უარი თქვა ცნობილი ეშერის ოლიმპიური სპორტული ბაზის გასაყიდად გატანის შესახებ დოკუმენტზე ხელმოწერაზე.
რამდენიმე Telegram-ის არხის თანახმად, აფხაზეთის ხელმძღვანელობა დიდი ხნის განმავლობაში არწმუნებდა ჯემალ გუბასს (მათ შორის, სახელმწიფო უსაფრთხოების სამსახურის ჩართულობით) დათანხმებულიყო ყოფილი საბჭოთა კავშირის უდიდესი სპორტული ობიექტის პრივატიზაციაზე, სადაც სსრკ-ს ეროვნული გუნდები ემზადებოდნენ ოლიმპიური თამაშებისა და სხვადასხვა საერთაშორისო ტურნირებისთვის.
თუმცა, ოფიციალური პირის დაყოლიება ვერ მოხერხდა, რადგან სპორტული ბაზის პრივატიზებამ ობიექტის პროფილი შეცვალა. შედეგად, პრეზიდენტმა ასლან ბჟანიამ ცალკე განკარგულებით გაათავისუფლა ჯემალ გუბაზი.
- ტესტი ერთგულებასა და ალკოჰოლზე – როგორ გრძელდება ტურისტული სეზონი აფხაზეთში
- რამდენად გამართლებულია რუსული ინვესტიციები აფხაზეთში, როგორც ენერგეტიკული კრიზისის დაძლევის საშუალება
ყოფილი ოლიმპიური სპორტული ბაზის, „ეშერის“ ტერიტორია ინვესტორების დიდ ინტერესს იწვევს, უპირველეს ყოვლისა, სოხუმის შესასვლელთან, ზღვის სანაპიროზე 64 ჰექტარი ტერიტორიის გამო.
საბჭოთა პერიოდში ამ ბაზაზე ერთდროულად 3000 სპორტსმენი ვარჯიშობდა. იყო ხუთი ფეხბურთის მოედანი, ფრენბურთის და კალათბურთის დარბაზი, გიმნაზია, ბადმინტონის, ხელბურთის და ჩოგბურთის კორტები, რამდენიმე საცურაო აუზი, ველობილიკი, ტირი და მრავალი სხვა.
ეშერში საბჭოთა სპორტის თითქმის მთელი წარმატებული ნაწილი ემზადებოდა სხვადასხვა ტურნირებისთვის, მათ შორის ისეთი ცნობილი სახეები, როგორებიც არიან ვალერი ხარლამოვი, ოლეგ ბლოხინი, სერგეი ბუბკა, ვიქტორ სანეევი, ლუდმილა ტურიშჩევა, ალექსანდრე დიტიატინი და სხვები.
სსრკ-ს დაშლის შემდეგ ოლიმპიური სპორტული ბაზა აფხაზეთის საკუთრება გახდა.
აფხაზეთის ომის დროს ფრონტის ხაზი გადიოდა სპორტული ბაზის ტერიტორიაზე და მას შემდეგ სპორტული კომპლექსი ფაქტობრივად განადგურებულია.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
