კახა კალაძე: მშვიდობა და გამარჯვება მოძმე უკრაინელ ხალხს

თბილისის მერი კახა კალაძე Twitter-ზე ეხმაურება ომს უკრაინაში:

„მშვიდობა და გამარჯვება ჩვენს მოძმე უკრაინელ ხალხს!“, – წერს კალაძე.

Peace and victory to our brotherly Ukrainian people! ??

— Kakha Kaladze (@kakhakala) February 24, 2022

უკრაინაში ომის დაწყებიდან რამდენიმე საათის შემდეგ, Twitter-ზე მხარდამჭერი განცხადებები გამოაქვეყნეს საქართველოს პარლამენტის თავმჯდომარემ შალვა პაპუაშვილმა, საქართველოს პრეზედენტმა სალომე ზურაბიშვილმა და საქართველოს პრემიერ-მინისტრმა ირაკლი ღარიბაშვილმა.

დღეს, 24 თებერვლის დილით, რუსეთმა უკრაინის დაბომბვა დაიწყო.

დონბასისა და ლუგანსკის სეპარატისტული რეგიონების დაცვის საბაბით უკრაინაში პრეზიდენტმა პუტინმა „სამხედრო ოპერაციის“ დაწყების შესახებ განაცხადა.

ამ განცხადებიდან მალევე სტრატეგიული ობიექტების დაბომბვა დაიწყო უკრაინის ქალაქების შემოგარენში, მათ შორის, კიევში.