კომენტარი: დემოკრატიული დებატები არ არის მხოლოდ ერთი კონკრეტული საკითხის ირგვლივ მოწყობილი სატელევიზიო შოუ

დიმიტრი ცქიტიშვილის კომენტარი

პოლიტოლოგი დიმიტრი ცქიტიშვილი “ქართული ოცნების” პრემიერ-მინისტრის, ირაკლი კობახიძის განცხადებას ეხმაურება პოლიტიკური დებატების შესახებ და ამბობს, რომ დემოკრატიული დებატები არ არის მხოლოდ ერთი კონკრეტული საკითხის ირგვლივ მოწყობილი სატელევიზიო შოუ. მისივე განმარტებით, დებატი შეიძლება არსებობდეს მაშინაც, როცა მხარეები ერთ სივრცეში არ იკვეთებიან, ზუსტად ისე, როგორც დღეს ხდება საქართველოში.

ციხე, ემიგრაცია, საავადმყოფო – როგორ ანადგურებს ივანიშვილი საკუთარ გარემოცვას

ამ სტატიში ვიხსენებთ მათ, ვინც ერთ დროს ივანიშვილის გვერდით იდგა, ახლა კი მისი მტრების სიაშია

ირაკლი კობახიძე საჯარო დისკუსიის მნიშვნელობაზე საუბრობს და აცხადებს, რომ ქვეყანაში უნდა აღდგეს პოლიტიკური დებატების კულტურა. სოციალურ ქსელში გამოქვეყნებულ ვრცელ წერილში კობახიძე წერს, რომ მოქალაქეებს უნდა ჰქონდეთ შესაძლებლობა, საჯაროდ მოისმინონ ყველა იმ პოლიტიკური ძალის პოზიცია, რომელსაც ხელისუფლებაში ყოფნის ამბიცია აქვს, რათა არჩევანი გააკეთონ ინფორმირებული ანალიზის საფუძველზე.

დიმიტრი ცქიტიშვილი: “დემოკრატიული დებატები არ არის მხოლოდ ერთი კონკრეტული საკითხის ირგვლივ მოწყობილი სატელევიზიო შოუ.

დებატი შეიძლება არსებობდეს მაშინაც, როცა მხარეები ერთ სივრცეში არ იკვეთებიან, ზუსტად ისე, როგორც დღეს ხდება საქართველოში: ყველა საკუთარ სივრცეში საუბრობს და მიმდინარეობს ვირტუალური დებატი ყველა მნიშვნელოვან საკითხზე.

არის ეს ქვეყნის დემოკრატიული პოლიტიკური კლიმატისთვის რაიმე მომტანი? ცალსახად არა!

როდესაც ხელისუფლებამ ოპოზიციას ჩაუკეტა მის მიერ კონტროლირებადი მედია სივრცე, თავადაც არ მიდის კრიტიკულ მედიაში, როდესაც ოპონენტების დემონიზებას ახდენ ფეიკ-პროპაგანდით, აჯარიმებ ან აპატიმრებ განსხვავებული პოლიტიკური მოსაზრებების გამოხატვისთვის; როდესაც მიტაცებულია ყველა დემოკრატიული ინსტიტუტი, ასეთ პირობებში დებატების ინიცირება არის პლურალისტური დემოკრატიის სიმულაციის მცდელობა და არაფერი სხვა — ანუ თაღლითობა/დემაგოგია.

ირაკლი კობახიძე: უნდა დავაბრუნოთ საჯარო დისკუსია საზოგადოებრივ ცხოვრებაში

“იმისთვის, რომ ქართველმა ხალხმა მომავალში ნებისმიერი არჩევანი სწორად გააკეთოს, აუცილებელია საჯარო სივრცეში დაბრუნდეს დებატი“, – წერს კობახიძე

მხოლოდ იმიტომ, რომ ვიღაცას მოსწყინდა მონოლოგების მოსმენა და ახლა პოლიტიკური ჯახისა და სეირის ყურება მოუნდა, დემოკრატიული დებატი ვერ შედგება.

თუ „ოცნებას“ მართლა უნდა დემოკრატიული პოლიტიკური დებატის განახლება, მაშინ როგორც მინიმუმ:

• ეს უნდა გახადოს პოლიტიკური პროცესის თანმდევი, განგრძობითი პროცესი;

• დებატის მონაწილე არ უნდა განსაზღვროს მართველმა ძალამ;

• დებატი ორიენტირებული უნდა იყოს საკითხების კრიტიკულ გააზრებაზე და არგუმენტებზე;

• პოლიტიკური პროცესი უნდა იყოს ინკლუზიური;

და ზოგადად, ქვეყანაში პოლიტიკური კლიმატი უნდა იყოს ნორმალიზებული!!!

წინააღმდეგ შემთხვევაში ეს იქნება სიმულაცია! და მაგაზე უკეთესი დებატი (თუნდაც ვირტუალური) უკვე გვაქვს!”