პუტინი აფხაზეთში ვიზიტისთვის ემზადება
პუტინი აფხაზეთში ჩადის
რუსეთის პრეზიდენტმა ვლადიმერ პუტინმა მიიღო აფხაზეთის პრეზიდენტის, ბადრა გუნბას მიწვევა და აპირებს აფხაზეთში ვიზიტით ჩასვლას. ვიზიტის ზუსტი თარირი უცნობია.
საკმაოდ ხანგრძლივი შესვენების შემდეგ ეს პუტინის მეხუთე ოფიციალური ვიზიტი იქნება აფხაზეთში. ბოლოს სოხუმში ის 2017 წელს იყო.
ბადრა გუნბამ რუსეთის პრეზიდენტი აფხაზეთში 10 მაისს მიიწვია, კრემლში გამართული შეხვედრის დროს. მეორე მსოფლიო ომის დასრულებიდან 80 წლისთავისადმი მიძღვნილი სამხედრო აღლუმის მეორე დღეს გუნბა პუტინს შეხვდა.
შეხვედრაზე პუტინმა განაცხადა, რომ რუსეთი მზადაა გააგრძელოს თანამშრომლობა აფხაზეთთან სხვადასხვა სფეროში: ეკონომიკა, განათლება, ჯანდაცვა და ტურიზმი.
გუნბამ, თავის მხრივ, ახსენა რომ მისი ადმინისტრაციი თანამშრომლობამ კრემლთან უკვე დიდი შედეგები გამოიღო. კერძოდ, ის გულისხმობდა აფხაზეთსა და რუსეთს შორის საჰაერო მიმოსვლის აღდგენას.
ეს უკვე მეორე შეხვედრაა ვლადიმერ პუტინსა და ბადრა გუნბას შორის მას შემდეგ, რაც ის 2025 წლის მარტში აფხაზეთის პრეზიდენტად აირჩიეს.
აფხაზეთის საპრეზიდენტო არჩევნებში კრემლი აქტიურად უჭერდა მხარს გუნბას, რამაც გამოიწვია უკმაყოფილება აფხაზეთის ოპოზიციასა და საზოგადოებაში. წინა წლებში მოსკოვს არასდროს გამოუხატავს ასე ნათლად თავისი სიმპათია აფხაზეთის პრეზიდენტობის ამა თუ იმ კანდიდატის მიმართ.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
