85-მდე გაიზარდა COVID-19-ით დაავადებულთა რაოდენობა საქართველოში
ბოლო 24 საათის განმავლობაში საქართველოში კორონავირუსით ინფიცირების ოთხი ახალი შემთხვევა გამოვლინდა.
28 მარტის დილის 10:00 საათისთვის, საქართველოში კორონავირუსით ინფიცირების სულ 85 შემთხვევაა დადასტურებული.
აქედან 14 პაციენტი გამოჯანმრთელდა.
კარანტინის რეჟიმშია 4641 ადამიანი. სტაციონარში მეთვალყურეობის ქვეშ – 239.
მძიმეა ექვსი პაციენტის მდგომარეობა. მათ შორის ორი ხანდაზმულია.
ინფიცირებულთა შორის არის ერთი ორსული ქალი და 10 ბავშვი. მათგან ყველაზე მცირეწლოვანი 2 წლისაა.
ყველა ბავშვი თავს კარგად გრძნობს.
ექიმები ამბობენ, რომ ორსული ქალის შემთხვევაშიც მძიმე გართულებები არ უნდა იყოს.
კორონავირუსით ინფიცირების ბოლო 4 შემთხვევიდან 2 საფრანგეთში მოგზაურობას უკავშირდება. ორივე ინფიცირებული თვითიზოლაციაში იმყოფებოდა.
კორონავირუსით ინფიცირებულ პაციენტებს ამ დროისთვის მთელი ქვეყნის მასშტაბით – თბილისში, გორში, ზუგდიდში, ქუთაისში, საჩხერესა და ბათუმში მკურნალობენ.
მთელი ქვეყნის მასშტაბით მოქმედებს ასევე საკარანტინო სივრცეებიც.
- რას ნიშნავს საგანგებო მდგომარეობა – რისი უფლება გვაქვს და რისი არა
- მარნეული და ბოლნისი დაიკეტა
- მარნეული ეპიდაფეთქების მოლოდინში. რა ხდება დახურულ ქალაქში
კორონავირუსის პანდემიის შეჩერების მიზნით საქართველოში 21 მარტს საგანგებო ვითარება გამოცხადდა, 23 მარტს კი კორონავირუსის შიდა გავრცელების გამო მარნეული და ბოლნისი დაიკეტა.
