სომხეთში ზურგის მეთაურის მოადგილე და სამხედრო ნაწილის სასურსათო სამსახურის უფროსი დააპატიმრეს
სომხეთის სამძებრო კომიტეტმა ზურგის მეთაურის მოადგილესა და N სამხედრო ნაწილის სასურსათო სამსახურის უფროსს ბრალი წაუყენა ანგარების მიზნით სამსახურებრივი უფლებამოსილების ბოროტად გამოყენებასა და სახელმწიფოსთვის მატერიალური ზიანის მიყენებაში.
წინასწარი გამოძიების შედეგების მიხედვთ, დადგენდა, რომ სინამდვილეში N სამხედრო ნაწილს ნაკლები პური მიეწოდებოდა, ვიდრე ანაგრიშ-ფაქტურებში იყო მითითებული.
გაირკვა, რომ N სამხედრო ნაწილის მეთაურის მოადგილე პოდპოლკოვნიკი ვ. პეტროსიანი გაურიგდა დხურული სააქციო საზოგადოების თანამშრომლებს, რომლებიც პურის მოწოდებას უზრუნვეყოფდნენ. მათი შეთანხმების მიხედვით, საბუთებში უფრო მეტი რაოდენობის პური იყო მითითებული, ვიდრე სინამდვილეში პირადი შემადგენლობისთვის იყო საჭირო. თითოეული დამატებითი პარტიისთვის დამატებითი თანხა გამოიყოფოდა.
ამავდროულად, პოდპოლკოვნიკმა ვ.პეტროსიანმა, რომლის ვალდებულებებში პურის შესყიდვასთან დაკავშირებული აღრიცხვისა და ანგარიშგების წესრიგის კონტროლიც შედიოდა, იმავე სამხედრო ნაწილის სასურსათო სამსახურის უფროსს, მაიორ ე. ალექსიანს დაავალა, დახურული სააქციო საზოგადოებისთვის მოწოდებული პურის რაოდენობის თაობაზე უკვე არასწორი მონაცემებით შევსებული ანგარიშფაქტურები გადაეგზავნა.
ამრიგად, ზემდგომ ხელმძღვანელობას პურის მიწოდების თაობაზე წარედგინებოდა საბუთები, რომლებშიც საჭირო რაოდენობა გადაჭარბებულად იყო მითითებული, რამაც სახელმწიფოს მატერიალური ზაინი მიაყენა. ვ პეტროსიანი და ე.ალექსიანი დაპატიმრებულები არიან.
პურის მიმწოდებელი კომპანიის თანამშრომელს განსაკუთრებით დიდი ზომის თაღლითობაში აქვს ბრალი წარდგენილი. აღმკვეთი ღონისძიების სახით, მას ქვეყნიდან გაუსვლელობის ხელწერილის დადება შეეფარდა.
