სომხეთში ახალგაზრდა მუსიკოსების სომხურ-ქართული ფესტივალი ჩატარადა
ფოტო: ლუსი სარგსიანი, JAMnews
ქალაქ დილიჟანში ახალგაზრდა მუსიკოსების სომხურ-ქართული ფესტივალი დასრულდა. მასში მონაწილეობა მიიღეს სომხეთისა და საქართველოს კომპოზიტორებმა და შემსრულებლებმა, ერვენისა და საქართველოს კონსერვატორიის სტუდენტებმა, ასევე სხვა მუსიკალური სასწავლებლების მოსწვლეებმა. ფესტივალში მონაწილეობის გარდა, ისინი სოლო და ერთობლივი კონცერტებითაც გამოდიოდნენ.
სომხეთის კომპოზიტორთა კავშირის თავმჯდომარემ არამ სატიანმა სიხარულით ილაპარაკა იმაზე, რომ ახალგაზრდა მუსიკოსებს ხელოვნება აერთიანებთ: „ორი ქვეყნის ახალგაზრდა ადამიანები ერთმანეთს უახლოვდებიან,მუსიკალურ ნაწარმოებებს ერთობლივად ასრულებენ… ჩემი აზრით, ასეთი ფესტივალები რეგულარულად უნდა ჩატარდეს“.
სომხეთის კულტურის მინისტრი არმენ ამირიანი ფესტივალის მიზნებსა და სომხეთ-საქართველოს კულტურული კავშირების შესახებ საუბრობდა.
„ახალგაზრდები – ეს ის ხალხია, ვინც მომავლის ხიდები უნდა ააგოს, სწორედ მათ უნდა ჩაუყარონ საფუძველი ახალ სომხურ-ქართულ ურთიერთობებს. ყველა ჩვენგანმა კი კარგად ვიცით, რომ ხელოვნება ადამიანების სულებისა და გულებისკენ მიმავალი უმოკლესი გზაა. ვფიქრობ, ეს ათდღიანი ერთობლივი შემოქმედებითი ბანაკი, ხელს შეუწყობს მათს არამხოლოდ დამეგობრებას, არამედ ისინი ახალი ერთობლივი ინიციატივების და იდეების ავტორებიც გახდებიან.
წინ გვაქვს სომეხი და ქართველი კინომოღვაწეების ფორუმი, რომელიც შედგება გიუმრი- ახალქალაქი-თბილისი-ერევანში. კინოც, მუსიკაც და ხელოვნების სხვა დარგებიც ჩვენ ორ ხალხს შორის ურთერთობის სივრცედ უნდა იქცეს“, – აღნიშნა მინისტრმა.
