რუსეთის პრეზიდენტი აზერბაიჯანში: ერთდღიანი ვიზიტი, რომელსაც თითქმის სამი დღე ელოდნენ
ბაქოში რუსულ-აზერბაიჯანულ მეცხრე რეგიონთაშორის ფორუმზე გამოსვლისას რუსეთის პრეზიდენტი ვლადიმირ პუტინი ძირითადად იმაზე ლაპარაკობდა, თუ რა კარგად აეწყო ორ ქვეყანას შორის ურთერთობა, რაც სრულიად სხვადასხვა სფეროში ვლინდება, მათ შორის აზერბაიჯანში რუსულ ენასთან დაკავშირებული სიტუაციის მიხედვითაც.
“ჩვენ ამას ვხედავთ და ძალიან ვაფასებთ – რუსული ენისადმი ინტერესს. და არამხოლოდ აზერბაიჯანის მოქალაქეების ინტერესს რუსული ენისადმი, არამედ სახელმწიფოს მხრიდან მუნიციპალიტეტებში, ქალაქებში დახმარებასაც”, თქვა რუსეთის ფედერაციის პრეზიდენტმა .
ბაქოში პუტინის მოკლევადიანი ვიზიტი ოფიციალურად ამ ფორუმს ეძღვნებოდა, მაგრამ აზერბაიჯანელ ჟურნალისტები, ანალიტიკოსები და უბრალოდ პოლიტიკით აქტიურად დაინტერესებულ მოქალაქეები ასეთი განმარტებით არ დაკმაყოფილდნენ.
საქმე ისაა, რომ სექტემბრის დასაწყისში პუტინი და ალიევი სოჭში უკვე შეხვდნენ, და ბევრს მოეჩვენა, რომ ორი პრეზიდენტის ასეთი ხშირი შეხვედრები შემთხვევითი არ არის.
საინფორმაციო რესურსები და სოციალური ქსელები ზედიზედ გვთავაზობდნენ საკუთარ ვერსიებს, რომელთა შორის ერთ-ერთი ყველაზე პოპულარული იყო რუსეთის და აზერბაიჯანის დაახლოება იმ ფონზე, რომ რუსეთს სომხეთის ახალ მთავრობასთან ჯერჯერობით გაურკვეველი ურთიერთობები აქვს.
პუტინს ბაქოში ჯერ კიდევ 25 სექტემბერს ელოდნენ.
საღამოს ახალი ამბების სააგენტოებმა გამოაცხადეს, რომ ის 26-ში ჩამოვა. და ბოლოს, ვიზიტი 27 სექტემბერს შედგა. რუსეთის პრეზიდენტმა მოასწრო არამხოლოდ ფორუმზე გამოსვლა, არამედ ძიუდოს მსოფლიო ჩემპიონატზე დასწრებაც, რომელიც იმ დროს ბაქოში მიმდინარეობდა.
