აზერბაიჯანის პრეზიდენტმა შეწყალების აქტს მოაწერა ხელი

16 მარტს აზერბაიჯანის რესპუბლიკის პრეზიდენტმა ილჰამ ალიევმა ერთიან ეროვნულ დღესასწაულ ნოვრუზთან დაკავშირებით შეწყალების მორიგ განკარგულებას მოაწერა ხელი. სულ შეწყალებულია 423 მსჯავრდებული. 412 მსჯავრდებული გათავისუფლებულია პატიმრობის დარჩენილი ვადის მოხდისგან. ორ ადამიანს სამუდამო პატიმრობა, შესაბამისად, 25 და15 წლით შეეცვალა.

გათავისუფლებულებს შორის ხუთი ადამიანია, რომელიც კანონდამცველების მიერ შედგენილ პოლიტპატიმართა სიაშია შესული.

დაწვრილებით პოლიტპატიმართა სიების შესახებ შეგიძლიათ წაიკითხოთ აქ – JAMnews-ის სტატიაში.

შეწყალებულები არიან ასევე ოპოზიციონერი პოლიტემიგრანტების ნათესავები – გაზეთ „აზადილგის“ მთავარი რედაქტორის ჰანიმატ ზაჰიდოვის ძმა და ძმის შვილი, ასევე – „მეიდან ტვ“-ის ხელმძღვანელის ემინ აბდულაევის(მილი) ცოლის ძმა. ყველა მათგანი ნარკოტიკების შენახვის ბრალდებით იყო დაპატიმრებული.

17 მარტს დაწყებულია შეწყალების შესახებ განკარგულების სისრულეში მოყვანა.