ვინ არის ISIS-ის ქართველი მებრძოლი?
გურიაში, სოფელ ნასაკირალში მცხოვრები ბადრი ირემაძის სახელი საზოგადოებისთვის მას შემდეგ გახდა ცნობილი, რაც 23 ნოემბერს ინტერნეტით ISIS-ის რიგებში მებრძოლი ოთხი ქართულენოვანი ტერორისტის ვიდეომიმართვა გავრცელდა.
ერთ-ერთი მათგანი სწორედ 32 წლის ბარდი ირემაძეა. ’გზავნილი ქართველ ხალხს’ – ასეა დასათაურებული ვიდეო, სადაც ტერორისტები აჭარელ მუსლიმებსა და საქართველოში მცხოვრებ ქრისტიანებს ემუქრებიან.
.png)
ბადრი ირემაძე
როგორც ირემაძის ოჯახის წევრები აცხადებენ, მან საქართველო სექტემბერში დატოვა და სამუშაოდ თურქეთში გაემგზავრა. დედამისი მერი ირემაძე იმ ერთადერთ შემთხვევას იხსენებს, როდესაც შვილი მას მუსლიმურ ქვეყანაში გამგზავრების გეგმებზე ესაუბრა.
მერი ირემაძე, ბადრი ირემაძის დედა
’მანამდე ის ჩვეულებრად ცხოვრობდა, როგორც ერთი რიგითი საქართველოს მოქალაქე. მაგრამ ერთი წლის წინათ ყველაფერი შეიცვალა…’ – ამბობს ირემაძის ძმა ბესო JAMnews-თან ინტერვიუში.
ბესო ირემაძე, ბადრი ირემაძის ძმა
