NDI: გამოკითხულთა 53%-ს სჯერა, რომ რწმენა ადამიანს კორონავირუსისგან იცავს
“ეროვნულ-დემოკრატიული ინსტიტუტის” (NDI) მიერ ჩატარებული საზოგადოებრივია აზრის კვლევის მიხედვით, საქართველოში გამოკითხულთა 17% ქვეყანაში კორონავირუსის გავრცელებისა და სიკვდილიანობის დაბალ მაჩვენებელს გენეტიკას და რელიგიას უკავშირებს.
გამოკითხულთა 53% ეთანხმება მოსაზრებას, რომ რწმენა ადამიანს კორონავირუსით ინფიცირებისგან იცავს.
ამავე დროს, გამოკითხულთა 10-მა პროცენტმა განაცხადა, რომ წლევანდელ სააღდგომო ლიტურგიას დაესწრო.
კორონავირუსის ეპიდსიტუაციის კარგ შედეგს გამოკითხულთა 73 პროცენტი ექიმებსა და ხელისუფლებას უკავშირებს.
საქართველოში გამოკითხული ყოველი მე-10 მოქალაქე ფიქრობს, რომ კორონავირუსის გავრცელება ინტერნეტტექნოლოგიების გადამცემ სისტემას – 5G-ს უკავშირდება.
კვლევის თანახმად, კორონავირუსის ვაქცინა რომ არსებობდეს, აიცრებოდა საქართველოს მოსახლეობის მხოლოდ 38%, 46% კი – არა.
NDI-ის საზოგადოებრივი აზრის კვლევა 26-30 ივნისის პერიოდში ჩატარდა და სატელეფონო ინტერვიუს მეშვეობით, მთელი საქართველოს მასშტაბით (ოკუპირებული ტერიტორიების გამოკლებით) 1550 ადამიანი გამოიკითხა.